WAHYU 13:3 - KITAB SUCI ZABUR INJIL

³ Sopoq léman kepituq otak binatang nike ruene maraq bakat saq sampun parah gati, laguq bakat nike sampun selah. Seantéro gumi jari takjub terus turut binatang nike.

WAHYU 13:3 ပူးပေါင်းရင်းမြစ်များ

LUKAS 2:1

Léq waktu nike Kaisar Agustus mréntahang selapuq warge negare Kerajaan Roma daptarang diriqne jari tesensus.

YAHYA 12:19

Make dengan-dengan Parisi bebase sopoq kance saq lainne, “Ite ndéq bau piaq napi-napi! Silaq serioq, seantéro dunie lumbar turut Ie!”

KISAH RASUL-RASUL 8:13

Simon mésaq éndah percaye. Dait sesampun tebaptis, ie tetep turut Pilipus. Keajaipan-keajaipan saq telaksane miaq Simon jari bengaq.

WAHYU 13:12

Léq julu binatang saq penembéq nike ie kadu kekuaseanne saq beléq saq temauq léman binatang nike éndah. Seantéro gumi dait selapuq saq araq léq dalemne, ie paksaq nyembah binatang saq penembéq nike, saq sampun selah léman bakatne saq parah.

WAHYU 13:14

Dait selapuq dengan saq idup léq gumi tesesatang siq tande-tande saq ie piaq léq julun binatang saq penembéq nike. Dait ie pade selapuq ie suruq miaq sopoq tetato léman binatang saq sampun bakat siq kléwang laguq tetep idup.

WAHYU 17:10

Dait pituq otak nike éndah pituq raje: Lime léman ie pade sampun teancurang, sopoq masih mréntah, dait saq sopoqne malik ndéqman dateng. Lamun ie dateng éraq ie gen mréntah semendaq doang.

WAHYU 17:11

Dait binatang saq laéq sampun araq, laguq mangkin ndéq araq malik, nike raje saq kebaluq. Ie éndah salaq sopoq léman kepituq raje nike, saq mangkin nuju kebinasean.

WAHYU 17:13

Kesepulu raje niki selapuqne bedowé tujuan saq pade; ie pade selapuqne nyerahang kekuatan dait kekuasean ie pade tipaq binatang nike.

WAHYU 17:17

Séngaq Allah sampun noloq léq até ie pade keméléq jari ngelaksaneang pekayunan-Ne. Allah miaq ie pade sepakat jari nyerahang kekuasean ie pade tipaq binatang nike, adéq binatang nike mréntah, jangke selapuq Manik Allah telaksane.

WAHYU 17:6

Terus tiang serioq bahwe dengan nine nike bowos siq daraq dengan-dengan saq tehususang bagi Allah dait daraq dengan-dengan saq tematéq lantaran setie léq Deside Isa. Sewaktu tiang serioq dengan nine nike, tiang jari bengaq gati.

WAHYU 17:8

Binatang nike laéq sampun side serioq, laguq mangkin sampun ndéq araq malik. Karing semendaq malik ie gen sugul léman jurang maut dait tame ojok dalem kebinasean. Dengan-dengan saq idup léq gumi, saq aranne ndéq tetulis léq kitab kehidupan léman sendéqman dunie tecipteang gen bengaq lamun serioq binatang nike. Séngaq laéq binatang nike sampun araq, mangkin ie ndéq araq malik, laguq ie gen dateng malik.