WAHYU 13:2 - KITAB SUCI ZABUR INJIL

² Binatang saq tiang serioq nike ruene maraq macan tutul, dait naéne maraq naé beruang, biwihne maraq biwih singe. Terus binatang nike tebéng siq nage nike kekuatanne mésaq, dait tahtene, dait kekuaseanne saq beléq.

WAHYU 13:2 ပူးပေါင်းရင်းမြစ်များ

ZABUR 22:21

Luputang nyawen kaji léman kléwang, selametang kaji léman cakrahan acong.

2 TIMOTIUS 4:17

Laguq Tuhan araq bareng kance tiang. Ie ngicanin kekuatan sehingge tiang sanggup beriteang selapuq Kabar Solah nike, adéq tedengah siq selapuq dengan saq ndéq Yahudi. Dait tiang tebébasang léman biwih singe.

1 PETRUS 5:8

Side pade harus tetep sadar dait bejage-jage, séngaq Belis nike musuhde. Ie maraq singe saq lampaq lito-laté sambil ngaum boyaq mangse jari tekaken.

WAHYU 12:13

Léq waktu nage nike sadar bahwe ie sampun tetetéh ojok gumi, ie mulai paléq dengan nine saq sampun nganakang kanak mame nike.

WAHYU 12:15

Make nage nike nyugulang luwéq gati aiq léman biwihne maraq aiq kokoq tipaq dengan nine nike adéqne teéléhang siq kokoq nike.

WAHYU 12:9

Nage saq beléq nike tetetéh ojok luah, nike ulah toaq saq tesebut Belis atao Sétan, saq nyesatang seantéro dunie. Ie tetetéh ojok gumi kance selapuq malaékatne.

WAHYU 13:12

Léq julu binatang saq penembéq nike ie kadu kekuaseanne saq beléq saq temauq léman binatang nike éndah. Seantéro gumi dait selapuq saq araq léq dalemne, ie paksaq nyembah binatang saq penembéq nike, saq sampun selah léman bakatne saq parah.

WAHYU 13:4

Dait ie pade nyembah nage nike séngaq ie sampun ngebéng kekuaseanne tipaq binatang nike. Dait ie pade nyembah binatang nike éndah. Basen ie pade, “Ndéq araq saq pade kance binatang niki! Ndéq araq saq bau perang ngelawan ie!”

WAHYU 16:10

Terus malaékat kelime numpahang isi cawanne ojok tahte binatang nike. Make selapuq kerajaan binatang nike jari peteng, dait manusie ngakoq élaqne mésaq lantaran sakitan.

WAHYU 17:12

Sepulu tanggéq saq side serioq, nike sepulu raje saq ndéqman mulai mréntah. Laguq ie pade gen teicanin kuase jari mréntah jari raje bareng-bareng kance binatang nike sejam ngonéqne.

WAHYU 19:20

Make binatang nike tebau bareng-bareng kance nabi palsu saq sampun miaq keajaipan-keajaipan léq julun binatang nike. (Siq keajaipan-keajaipan nike binatang nike nipu dengan-dengan saq bedowé tande binatang nike dait dengan-dengan saq nyembah tetato binatang nike.) Terus binatang nike dait nabi palsu nike tetetéh idup-idup ojok dalem segare api saq nyale siq urirang.

WAHYU 2:13

Tiang nenaoq léq mbé side ndot, nike léq taoqne Belis betahte. Side pade setie léq Tiang, malahan sewaktu Antipas, saksi Tiang saq setie nike, tematéq léq julunde léq taoq Belis ndot, side pade ndéq nilas bahwe side percaye léq Tiang.

WAHYU 20:2

Terus ie bau nage, ulah toaq nike, -- nike Belis dait Sétan nike -- dait sékoqne siyu taun ngonéqne.