WAHYU 11:3 - KITAB SUCI ZABUR INJIL

³ Tiang gen ngutus due saksi Tiang saq kadu kelambi tande dukecite, dait ie pade gen nyampéang nubuat léman Allah sengonéq siyu satak enem dase jelo.”

WAHYU 11:3 ပူးပေါင်းရင်းမြစ်များ

ZABUR 69:11

Kaji nangis dait puase laguq ie pade menghine kaji.

MATIUS 11:21

“Celake side kote Korazim! Dait celake éndah side kote Betsaida! Seandéne muqjizat-muqjizat saq tepiaq léq taoqde nike sampun tepiaq léq Tirus dait Sidon, pasti dengan-dengan léq derike sampun ngonéq betobat léman dose-dosene dait ngengadu kelambi dukecite dait toloq awu-awu léq atas ulune.

MATIUS 18:16

Laguq lamun ie ndéq mélé, dateng jauq sopoq atao due dengan malik. Séngaq araq tetulis léq dalem Kitab Suci, ‘Sekurang-kurangne due atao telu dengan saksi saq teperluang jari nyatayang kesalaqan sopoq dengan saq tetuduh.’

LUKAS 10:13

“Celake side, kote Korazim! Dait celake side, kote Betsaida! Seandéne muqjizat-muqjizat saq tepiaq léq taoqde nike sampun tepiaq léq kote Tirus dait Sidon, pasti dengan-dengan léq derike sampun ngonéq betobat léman dose-dose ie pade, dait ngengadu kelambi dukecite serte noloq awu-awu léq atas ulu ie pade.

LUKAS 24:48

Side pade jari saksi léman selapuq hal nike.

YAHYA 15:27

Dait side pade éndah harus besaksi mengenai Tiang, séngaq side pade sampun bareng kance Tiang léman penembéqne.

YAHYA 3:27

Jawab Yahya, “Ndéq araq sopoq dengan juaq saq bau nerimaq napi-napi lamun ie nénten teicanin siq Allah.

KISAH RASUL-RASUL 1:8

Laguq side pade gen nerimaq kuase, sewaktu Roh Suci sampun rauh tipaq side. Dait side pade gen jari saksi-saksi Tiang léq Yerusalem, léq selapuq wilayah Yudea, léq Samaria, dait jangke dateng poton gumi.”

KISAH RASUL-RASUL 13:31

Beterus sengonéq pire jelo Deside Isa rauh nyatayang diriq tipaq dengan-dengan saq ngiring Ie léman Galilea ojok Yerusalem. Mangkin niki ie pade nike saq jari saksi-saksi-Ne tipaq bangse Israel.

KISAH RASUL-RASUL 2:32

Deside Isa niki saq teidupang malik léman ninggal siq Allah. Tiang pade selapuq sampun nyaksiang mésaq hal nike.

KISAH RASUL-RASUL 3:15

Side pade nyematéq Ie, padahal setetune Ie sumber idup tipaq selapuq dengan. Dait Allah sampun ngidupang Ie malik léman ninggal. Tiang pade sampun nyaksiang mésaq hal nike.

1 KORINTUS 12:28

Maraq nike éndah léq dalem jemaah, Allah sampun nentuang taoq jari macem-macem dengan: Penembéqne rasul-rasul; kedue nabi-nabi, ketelu guru-guru, terus ie pade saq mauq paice jari miaq keajaipan-keajaipan, jari nyelahang dengan, jari nulung dengan lain, jari mimpin, dait jari bebaos kadu macem-macem base saq ajaip.

2 KORINTUS 13:1

Niki saq ketelu kaline tiang dateng jangoq side pade. Dalem Kitab Suci tetulis, “Sebilang pelekare harus tebuktiang siq kesaksian due atao telu dengan saksi, baruq pelekare nike sah.”

EPESUS 4:11

Ie saq ngicanin rasul-rasul dait nabi-nabi, dengan-dengan saq nyampéang Kabar Solah dait pemimpin-pemimpin jemaah dait guru-guru jemaah.

WAHYU 1:5

dait léman Deside Isa Almasih, saksi saq setie. Ie saq penembéq teidupang malik léman ninggal dait Ie penguase raje-raje dunie. Bagi Deside Isa saq ngasihin ite, dait siq ninggal-Ne Ie bébasang ite léman dose-dosente

WAHYU 11:2

Laguq ndaq ukur leléah saq léq luah Gedéng Suci Allah nike, séngaq bagian nike sampun teserahang tipaq bangse-bangse lain. Ie pade gen ngicaq-icaq kote saq suci nike petang dase due bulan ngonéqne.

WAHYU 11:6

Ie pade bedowé kuase jari ngimpet langit adéq ndaq turun ujan sengonéq ie pade nyampéang nubuat léman Allah. Ie pade bedowé kuase éndah léq selapuq pengembulan aiq, ngerobah aiq jari daraq. Dait ie pade éndah bedowé kuase jari ngempuk gumi siq segale macem bencane, piran doang ie pade mélé ngelaksaneang hal nike.

WAHYU 12:6

Make dengan nine nike pelai ojok padang gurun, ojok taoq saq sampun tesedieang siq Allah umaq ie. Léq taoq nike ie gen tepeliharaq siyu satak enem dase jelo ngonéqne.

WAHYU 13:5

Binatang nike teicanin biwih saq sombong gati dait menghine Allah. Ie teijinang mréntah petang dase due bulan ngonéqne.

WAHYU 19:10

Tiang nyungkur léq julun malaékat nike gen nyembah ie, laguq ie bebase léq tiang, “Ndaq! Ndaq nyembah tiang, pade sembah Allah! Séngaq tiang éndah hambe pade maraq side dait maraq selapuq semetonde saq setie léq kesaksian Deside Isa!” Séngaq kesaksian Deside Isa nike roh nubuat.

WAHYU 20:4

Beterus tiang serioq tahte-tahte, dait dengan-dengan saq tokol léq tahte-tahte nike teicanin kuase jari mutusang hukuman. Tiang serioq éndah jiwe-jiwe dengan-dengan saq sampun tepeleng belongne lantaran ie pade ngebéng kesaksian mengenai Deside Isa, dait nyampéang Manik Allah. Dengan-dengan nike ndéq nyembah binatang, atao tetatone. Ie pade ndéq uwah nerimaq tande binatang nike léq telakar dait léq ime ie pade. Make ie pade idup malik dait mréntah jari raje bareng Almasih siyu taun ngonéqne.