WAHYU 11:2 - KITAB SUCI ZABUR INJIL

² Laguq ndaq ukur leléah saq léq luah Gedéng Suci Allah nike, séngaq bagian nike sampun teserahang tipaq bangse-bangse lain. Ie pade gen ngicaq-icaq kote saq suci nike petang dase due bulan ngonéqne.

WAHYU 11:2 ပူးပေါင်းရင်းမြစ်များ

ZABUR 79:1

Zabur Asap. Ya Allah, bangse saq nénten kenal kance Deside sampun nguasein tanaq pusake Deside. Ie pade najisang Gedéng Deside saq suci, Yerusalem tejariang remuk.

MATIUS 27:53

Ie pade sugul léman kuburan-kuburan sesampun Deside Isa idup léman ninggal-Ne dait ie pade tame ojok Yerusalem. Dait léq derike luwéq dengan serioq ie pade.

MATIUS 4:5

Sesampun nike, Deside Isa tebimbing siq Belis ojok kote suci Yerusalem, terus toloqne Deside Isa léq atas buwung Gedéng Allah.

MATIUS 5:13

“Side pade sie dunie. Lamun sie jari tawah, napi bau ie tepaéqang malik? Ndéq araq manpaatne malik, ie gen tetetéh dait teicaq-icaq siq dengan.

LUKAS 21:24

Araq saq gen tematéq kadu kléwang, araq éndah saq gen tejauq jari tawanan ojok negeri-negeri dengan; dait bangse-bangse saq ndéq kenal kance Allah gen ngicaq-icaq Yerusalem jangke tutuq waktu saq sampun tetentuang Tuhan tipaq ie pade.”

IBRANI 10:29

Berembé beratne hukuman saq gen teterimaq siq dengan saq ngicaq-icaq Bije saq asalne léman Allah. Dengan nike nganggep hine daraq perjanjian Allah, nike ninggalne Almasih saq persiq ie léman dose. Ie menghine Roh saq ngicanin rahmat.

WAHYU 11:11

Sesampun telu setenge jelo, tame roh kehidupan léman Allah ojok dalem kedue nabi nike. Beterus ie pade ures dait nganjeng, sehingge selapuq dengan saq serioq ie pade jari takut gati.

WAHYU 11:3

Tiang gen ngutus due saksi Tiang saq kadu kelambi tande dukecite, dait ie pade gen nyampéang nubuat léman Allah sengonéq siyu satak enem dase jelo.”

WAHYU 12:6

Make dengan nine nike pelai ojok padang gurun, ojok taoq saq sampun tesedieang siq Allah umaq ie. Léq taoq nike ie gen tepeliharaq siyu satak enem dase jelo ngonéqne.

WAHYU 21:10

Make Roh Allah nguasein tiang, dait malaékat nike jauq tiang ojok pucuk gunung saq beléq dait atas gati. Ie metitoqang tiang Yerusalem, kote suci nike, saq turun léman sorge, léman Allah.

WAHYU 21:2

Make tiang serioq kote suci nike, nike Yerusalem saq baru, turun léman sorge, léman Allah. Kote nike sampun tesiepang maraq sopoq pengantén nine saq tepayas jari bedait kance pengantén mame.

WAHYU 22:19

Dait lamun sopoq dengan ngurangin sopoq hal léman pesen-pesen nubuat niki, make Allah éndah gen ngurangin bagianne maraq saq tetulis léq dalem kitab niki -- nike bagian léman lolo kehidupan dait léman kote suci nike.”