WAHYU 1:9 - KITAB SUCI ZABUR INJIL

⁹ Tiang Yahya, semetonde saq senasip kance side pade léq dalem kesusahan, dalem kerajaan dait léq dalem ketekunan jari ngantos kerauhan Deside Isa. Tiang tetetéh ojok Pulao Patmos lantaran tiang beriteang Manik Allah dait kesaksian Deside Isa.

WAHYU 1:9 ပူးပေါင်းရင်းမြစ်များ

MATIUS 20:23

Deside Isa bemanik, “Mule side pade gen nginem éndah léman cawan penderitean Tiang. Laguq mengenai sai saq gen tokol léq kanan atao kiri Tiang, nike ndéqne Tiang saq berhak nentuang. Hal nike tesadangang tipaq dengan saq sampun tetentuang siq Bapa Tiang.”

MARKUS 10:39

“Sanggup,” jawab ie pade. Beterus Deside Isa bemanik malik tipaq ie pade, “Mule, side pade gen nginem cawan penderitean saq harus Tiang inem dait tebaptis kadu baptisan saq harus Tiang terimaq.

YAHYA 16:33

Selapuqne niki Tiang sampéang adéq side pade mauq damé sejahtere léq dalem Tiang. Léq dunie niki side pade gen menderite. Laguq teguqang aténde! Tiang sampun ngalahang dunie!”

KISAH RASUL-RASUL 1:15

Léq sopoq jelo, sewaktu ie pade kenyeke bekumpul -- araq kire-kire satus due pulu dengan luwéqne -- Petrus nganjeng dait ngeraos. Ie bebase,

KISAH RASUL-RASUL 14:22

Léq kote-kote nike ie pade neguqang angen pengiring-pengiring nike dait naséhat ie pade adéqne tetep léq dalem iman, dait bebase bahwe jari tame ojok dalem Kerajaan Allah ite harus ngalamin luwéq sengsare.

ROMA 8:17

Nah, lamun ite bije dowén Allah, make ite éndah ahli waris-Ne saq gen nerimaq berkah-berkah saq tesedieang siq Allah jari bije-bije dowé-Ne. Ite gen nerimaq bareng-bareng kance Almasih napi saq sampun tesedieang siq Allah umaq Ie; séngaq lamun ite milu menderite bareng kance Almasih, ite gen milu temulieang bareng kance Ie.

ROMA 8:25

Laguq lamun ite beharep léq hal saq ndéqman ite serioq, make ite gen sabar ngantih.

2 KORINTUS 1:7

Tiang pade tetep yakin dait ndéq uwah ragu-ragu mengenai side pade, séngaq tiang pade nenaoq bahwe side pade milu menderite kance tiang pade. Dait lantaran nike side pade milu éndah nerimaq penghiburan bareng kance tiang pade.

PILIPI 1:7

Mule patut tiang bedowé perasaan maraq nike léq side pade, séngaq selapuqde tetep araq léq angen tiang. Dait side pade éndah sampun bareng kance tiang nerimaq rahmat saq sampun teicanin siq Allah tipaq tiang sewaktu tiang masih léq bui dait sewaktu tiang béle dait pertahenang Kabar Solah nike.

PILIPI 4:14

Laguq napi saq side pade laksaneang nike mule solah, bahwe side pade sampun nulung tiang léq waktu tiang susah.

2 TESALONIKA 3:5

Semoge Tuhan tetep bimbing aténde tipaq kasih Allah, dait tipaq ketabahan Almasih.

2 TIMOTIUS 1:8

Keranaq nike, ndaq ilaq besaksi mengenai Tuhante, dait ndaq éndah ilaq mengenai tiang, saq tebui lantaran Ie. Sebalikne siq kekuatan léman Allah, side milu menderite lantaran Kabar Solah nike.

IBRANI 10:36

Side pade perlu ketekunan, adéq side pade bau ngelaksaneang pekayunan Allah dait siq care nike bau nerimaq napi saq tejanjiqang siq Allah.

1 PETRUS 5:1

Mangkin tipaq pare pemimpin jemaah saq araq léq antare side pade, tiang ngebéng naséhat. Tiang, sebagé dengan saq mimpin jemaah éndah, saq sampun nyaksiang mésaq selapuq kesengsarean Almasih, dait saq pade-pade mauq bagian léq dalem kemuliean saq gen tenyatayang éraq.

WAHYU 1:1

Isi kitab niki mengenai wahyu saq teicanin siq Allah tipaq Deside Isa Almasih. Adéq Almasih nyatayang hal nike tipaq hambe-hambe-Ne, nike hal-hal saq harus becat telaksane. Beterus Ie ngutus malaékat-Ne tipaq Yahya, hambe-Ne, jari jelasang hal-hal nike.

WAHYU 1:2

Yahya sampun besaksi mengenai Manik Allah dait mengenai kesaksian saq teicanin siq Deside Isa Almasih, nike selapuq saq sampun ie serioq.

WAHYU 1:4

Tipaq kepituq jemaah léq daérah Asia Kodéq. Umaq side pade rahmat dait sejahtere léman Ie saq araq mangkin, saq sampun araq léq jaman laéq, dait saq masih araq léq waktu saq gen dateng. Léman tiang, Yahya dait léman kepituq roh saq araq léq arepan tahte Allah,

WAHYU 1:6

dait jariang ite sopoq kerajaan dait imam-imam, saq ngelayanin Allah, Bapa-Ne. Bagi Ie kemuliean dait kuase jangke selaéq-laéqne. Amin!

WAHYU 11:7

Sesampun ie pade tutuq nyampéang kesaksian ie pade, binatang saq sugul léman jurang maut gen ngelawan ie pade dait ngalahang serte nyematéq ie pade.

WAHYU 12:11

Semeton-semetonte sampun ngalahang ie siq daraq Anak Dombe nike, dait siq kesaksian ie pade. Ie pade réde ngurbanang nyawe ie pade jangke ninggal.

WAHYU 12:17

Nage nike jari gedek gati léq dengan nine nike, terus ie lalo nyerbu keturunan saq lain léman dengan nine nike, nike selapuq dengan saq taat léq hukum-hukum Allah, dait saq ngebéng kesaksian mengenai Deside Isa dait kuase-Ne.

WAHYU 13:10

“Dengan saq harus tetahen, pasti gen tetahen. Dait dengan saq harus tematéq kadu kléwang, pasti gen tematéq kadu kléwang. Keranaq nike dengan-dengan saq tehususang bagi Allah harus tabah dait setie.”

WAHYU 14:12

Dalem hal niki dengan-dengan saq tehususang bagi Allah saq taat léq préntah-préntah Allah dait saq beriman léq Deside Isa, perlu jari tabah.

WAHYU 19:10

Tiang nyungkur léq julun malaékat nike gen nyembah ie, laguq ie bebase léq tiang, “Ndaq! Ndaq nyembah tiang, pade sembah Allah! Séngaq tiang éndah hambe pade maraq side dait maraq selapuq semetonde saq setie léq kesaksian Deside Isa!” Séngaq kesaksian Deside Isa nike roh nubuat.

WAHYU 20:4

Beterus tiang serioq tahte-tahte, dait dengan-dengan saq tokol léq tahte-tahte nike teicanin kuase jari mutusang hukuman. Tiang serioq éndah jiwe-jiwe dengan-dengan saq sampun tepeleng belongne lantaran ie pade ngebéng kesaksian mengenai Deside Isa, dait nyampéang Manik Allah. Dengan-dengan nike ndéq nyembah binatang, atao tetatone. Ie pade ndéq uwah nerimaq tande binatang nike léq telakar dait léq ime ie pade. Make ie pade idup malik dait mréntah jari raje bareng Almasih siyu taun ngonéqne.

WAHYU 3:10

Séngaq side pade sampun turut manik Tiang adéq tetep tekun, Tiang éndah gen ngelindungin side pade léman jaman kesusahan saq gen nimpe seantéro dunie. Hal nike gen telaksane jari cobe selapuq dengan léq gumi.

WAHYU 6:9

Sesampun nike Anak Dombe nike bukaq ségel saq kelime. Make tiang serioq léq bawaq méje taoq kurban, araq jiwe-jiwe dengan-dengan saq ninggal tematéq lantaran Manik Allah dait lantaran kesaksian ie pade.

WAHYU 7:14

“Mindah tiang, tuan. Pelungguh mésaq saq wikan,” jawab tiang. Make ie bebase léq tiang, “Niki dengan-dengan saq sampun selamet léman mase penganiayean saq beléq. Ie pade sampun popoq jubah ie pade dait tejariang putéq kadu daraq Anak Dombe nike.