WAHYU 1:4 - KITAB SUCI ZABUR INJIL

⁴ Tipaq kepituq jemaah léq daérah Asia Kodéq. Umaq side pade rahmat dait sejahtere léman Ie saq araq mangkin, saq sampun araq léq jaman laéq, dait saq masih araq léq waktu saq gen dateng. Léman tiang, Yahya dait léman kepituq roh saq araq léq arepan tahte Allah,

WAHYU 1:4 ပူးပေါင်းရင်းမြစ်များ

ZABUR 90:2

Sendéqman gunung-gunung tecipteang, sendéqman gumi dait dunie Deside jariang, Deside Allah saq kekel, léman selaéq-laéqne jangke selaéq-laéqne.

IBRANI 13:8

Deside Isa Almasih tetep pade, timaq laéq, mangkin dait jangke selaéq-laéqne.

YAHYA 1:1

Léq penembéqne sendéqman dunie tecipteang, Manik nike sampun araq. Manik nike araq bareng Allah, dait Manik nike Allah.

WAHYU 5:6

Beterus tiang serioq, sopoq Anak Dombe nganjeng léq tengaq-tengaq tahte nike, tekeliningin siq keempat mahluk dait selapuq pemimpin nike. Anak Dombe nike ruene maraq sampun tesembeléh. Ie bedowé pituq tanggéq dait pituq mate: Nike pituq Roh Allah saq sampun teutus ojok seantéro dunie.

WAHYU 4:5

Léman tahte nike sugul cahaye kisap dait suare guntur saq beléq. Dait léq arepan tahte nike araq pituq obor saq nyale; nike kepituq Roh Allah.

WAHYU 1:8

“Tiang niki saq penembéq dait saq penutuq, Manik Allah, Tuhan saq araq, saq sampun araq, dait saq araq selaéq-laéqne, Saq Mahekuase.”

WAHYU 3:1

“Tipaq malaékat jemaah léq Sardis, tulis maraq niki: Niki manik léman Ie saq bedowé kepituq Roh Allah dait kepituq bintang nike. Tiang nenaoq selapuq saq side pade laksaneang. Side pade teparan idup, padahal side pade maté!

YAKUB 1:17

Selapuq hal saq solah saq teicanin dait paice saq sempurne datengne léman sorge, teturunang siq Bapa, sumber selapuq cahaye dait saq ndéq iniq berobah atao bekurang lantaran perobahan.

WAHYU 4:8

Keempat mahluk nike, sopoq-sopoq bedowé enem keléték, sekeliningne dait léq bagian dalemne penoq siq mate. Peteng menah mahluk-mahluk nike ndéq engkah-engkah bekuih, “Suci, suci, suci, Allah, Tuhan Saq Mahekuase; saq araq, saq sampun araq, dait saq araq selaéqne.”

WAHYU 3:7

“Tipaq malaékat jemaah léq Piladelpia, tulis maraq niki: Niki manik léman Ie Saq Suci dait Saq Kenaq. Ie saq negel kunci saq teépéang siq Daud; lamun Ie bukaq, ndéq araq sopoq dengan juaq saq bau ngimpet malik, dait lamun Ie ngimpet, ndéq sopoq dengan juaq saq bau bukaq.

ROMA 1:7

Nike lantaranne tiang nulis tipaq side pade. Semoge Allah Bapante dait Junjungante Saq Mulie Deside Isa Almasih, ngicanin rahmat dait damé sejahtere tipaq side pade.

WAHYU 2:8

“Tipaq malaékat jemaah léq Smirna tulis maraq niki: Niki manik léman Ie saq penembéq dait saq penutuq -- saq sampun ninggal dait idup malik.

WAHYU 1:20

Niki rahasie léman pituq bintang saq side serioq léq ime kanan Tiang, dait léman pituq naé dilah emas nike: Pituq bintang nike pare malaékat kepituq jemaah, dait pituq naé dilah nike kepituq jemaah nike.”

WAHYU 1:11

Basen suare nike, “Tulis léq dalem sopoq kitab napi saq side serioq, dait kirim tipaq pituq jemaah niki: Epesus, Smirna, Pergamus, Tiatira, Sardis, Piladelpia, dait Laodikia.”

2 KORINTUS 1:2

beharep semoge Allah Bapante dait Junjungan Saq Mulie, Deside Isa Almasih ngicanin rahmat dait damé sejahtere tipaq side pade.

WAHYU 3:14

“Tipaq malaékat jemaah léq Laodikia, tulis maraq niki: Niki manik léman Amin, Saksi saq setie dait kenaq, sumber selapuq hal saq tecipteang siq Allah.

WAHYU 2:18

“Tipaq malaékat jemaah léq Tiatira, tulis maraq niki: Niki manik léman Bije saq asalne léman Allah, saq penyermin-Ne nyale maraq api, dait cokor-Ne maraq rue tembage tetunuq.

WAHYU 2:12

“Tipaq malaékat jemaah léq Pergamus, tulis maraq niki: Niki manik léman Ie saq negel kléwang bemangan due saq merang gati.

WAHYU 1:1

Isi kitab niki mengenai wahyu saq teicanin siq Allah tipaq Deside Isa Almasih. Adéq Almasih nyatayang hal nike tipaq hambe-hambe-Ne, nike hal-hal saq harus becat telaksane. Beterus Ie ngutus malaékat-Ne tipaq Yahya, hambe-Ne, jari jelasang hal-hal nike.

KISAH RASUL-RASUL 19:10

Paulus tetep ngelaksaneang hal nike due taun ngonéqne, jangke selapuq dengan saq ndot léq wilayah Asia, timaq dengan Yahudi atao dengan Yunani, selapuqne dengah Manik Tuhan.

KISAH RASUL-RASUL 2:9

Ite dengan-dengan léman Partia, Media, Elam, léman Mesopotamia, Yudea dait Kapadokia; léman Pontus dait Asia,

WAHYU 1:9

Tiang Yahya, semetonde saq senasip kance side pade léq dalem kesusahan, dalem kerajaan dait léq dalem ketekunan jari ngantos kerauhan Deside Isa. Tiang tetetéh ojok Pulao Patmos lantaran tiang beriteang Manik Allah dait kesaksian Deside Isa.

WAHYU 1:17

Waktu tiang serioq Ie, tiang nyungkur léq arepan-Ne maraq dengan maté. Laguq Ie noloq gading-Ne saq kanan léq atas tiang beterus bemanik, “Ndaq takut! Tiang saq penembéq dait saq penutuq.

WAHYU 8:2

Terus tiang serioq kepituq malaékat saq nganjeng léq arepan Allah, dait ie pade teicanin pituq terompét.

WAHYU 16:5

Tiang dengah malaékat saq bekuase léq aiq nike bebase, “Hukuman saq Deside turunang nike adil, Deside saq Mahesuci, Allah saq araq, dait saq sampun araq!

WAHYU 22:8

Tiang, Yahya, sampun dengah dait serioq selapuqne niki. Sesampun tiang engkah serioq dait dengah ie, tiang nyungkur léq julun malaékat saq sampun nyatayang selapuqne nike tipaq tiang, dait tiang gen nyembah ie,

WAHYU 22:16

“Tiang, Isa, sampun ngirim malaékat Tiang tipaq side pade, adéq ie ngebéng kesaksian mengenai selapuq hal-hal niki jari kepentingan jemaah-jemaah. Tiang niki keturunan Daud; Tiang bintang timuq saq menah tandur nike.”