WAHYU 1:3 - KITAB SUCI ZABUR INJIL

³ Bahagie dengan saq baceang dait dengan saq dengahang berite nubuat kitab niki dait taat léq napi saq tetulis léq dalemne. Séngaq ndéqne ngonéq malik selapuqne niki gen telaksane.

WAHYU 1:3 ပူးပေါင်းရင်းမြစ်များ

MATIUS 24:15

“Side pade gen serioq berembé ‘Perbuatan najis saq miaq binase’, maraq saq tesampéang siq Nabi Daniel, nganjeng léq taoq saq suci (hal niki saq harus teperhatiang siq dengan saq mace).

LUKAS 11:28

Laguq jawab Deside Isa, “Bahagiean malik dengan saq dengahang dait ngelaksaneang Manik Allah!”

ROMA 13:11

Laksaneang selapuq hal nike, dait ngerti keadaan mangkin, bahwe sampun wayene side pade ures léman tindoq. Séngaq keselametante sampun rapet tebanding waktu ite baruq percaye.

ROMA 13:12

Kelem gen liwat dait seberaq malik gen jari menah. Keranaq nike silaq ite engkah gawéq perbuatan-perbuatan saq jahat. Ite harus kadu perlengkapan senjate terang.

1 PETRUS 4:7

Selapuq hal sampun gen tutuq, keranaq nike side pade harus nguasein diriq dait tenang, adéq side pade tao bedo'e.

2 PETRUS 3:8

Laguq semeton-semeton tiang saq tiang kasihin, ndaq side lupaq léq sopoq hal niki, bahwe bagi Tuhan, sejelo ndéq araq bédene kance siyu taun -- dait siyu taun pade maraq sejelo.

WAHYU 22:10

Terus ie bebase malik, “Ndaq rahasieang pesen-pesen nubuat léq dalem kitab niki, séngaq sampun rapet waktune selapuqne niki gen telaksane.

WAHYU 22:12

“Setetune ndéqne ngonéq malik Tiang gen becat dateng dait jauq pahale jari bales sebilang dengan menurut perbuatanne.

WAHYU 22:20

Ie saq ngicanin kesaksian mengenai selapuqne niki bemanik, “Kenaq, Tiang gen becat dateng!” Amin! Silaq rauh, Junjungan Saq Mulie Deside Isa!

WAHYU 3:11

Tiang gen becat dateng! Jagaq solah-solah napi saq side pade épéang, adéq ndéq araq sopoq dengan juaq saq ngerebut mahkote side pade.