MATIUS 4:3 - KITAB SUCI ZABUR INJIL

³ Beterus Belis dateng dait matur, “Lamun Pelungguh Bije saq asalne léman Allah, cobaq préntahang batu-batu niki jari ruti.”

MATIUS 4:3 ပူးပေါင်းရင်းမြစ်များ

MATIUS 14:33

Make selapuq pengiring-pengiring saq araq léq perau nike sujut nyembah Deside Isa. Ie pade matur, “Setetune Pelungguh Bije saq asalne léman Allah!”

MATIUS 16:16

Jawab Simon Petrus, “Pelungguh Almasih, Bije saq asalne léman Allah saq idup.”

MATIUS 26:63

Laguq Deside Isa tetep meneng. Imam Agung nike bebase malik léq Deside Isa, “Demi Allah saq idup, sampéang léq tiang pade napi tetu Pelungguh niki Almasih, Bije saq asalne léman Allah?”

MATIUS 3:17

Beterus kedengahan suare léman sorge, “Niki Bije Tiang saq Tiang kasihin, Ie nyenengang Tiang.”

MARKUS 1:1

Niki awal Kabar Solah mengenai Deside Isa Almasih, Bije saq asalne léman Allah.

MARKUS 3:11

Sewaktu serioq Deside Isa, roh-roh jahat nike terus doang sujut léq arepan-Ne dait bekuih, “Pelungguh Bije saq asalne léman Allah!”

MARKUS 5:7

Siq suare saq beléq ie bekuih, “Deside Isa, Bije saq asalne léman Allah Saq Maheagung! Gen Pelungguh kumbéqang tiang niki? Demi Allah tiang tunas, sampunang Pelungguh siksaq tiang!” (

LUKAS 1:35

Jawab malaékat nike, “Roh Suci gen rauh tipaq side, dait kuase Allah Saq Maheagung gen nguasein side. Keranaq nike bije saq gen tebijeang nike gen tesebut suci, Bije saq asalne léman Allah.

LUKAS 22:70

Ie pade selapuq bebase, “Lamun maraq nike, Side niki Bije saq asalne léman Allah?” Jawab Deside Isa, “Maraq nike basen side pade.”

LUKAS 4:3

Belis matur léq Deside Isa, “Lamun Pelungguh Bije saq asalne léman Allah, manikang batu niki jari ruti.”

LUKAS 4:41

Roh-roh jahat éndah sugul léman luwéq dengan, sambil bekuih-kuih, “Pelungguh Bije saq asalne léman Allah!” Laguq Deside Isa semprak ie pade dait nénten ngijinang ie pade ngeraos, séngaq ie pade nenaoq bahwe Deside Isa nike Almasih.

LUKAS 4:9

Beterus Belis jauq Deside Isa ojok Yerusalem dait toloq-Ne léq atas buwung Gedéng Allah. Belis matur léq Deside Isa, “Lamun Pelungguh Bije saq asalne léman Allah, cobaq Pelungguh nimproh léman deriki.

YAHYA 1:34

Tiang sampun serioq mésaq,” basen Yahya, “dait tiang ngebéng kesaksian bahwe Ie Bije saq asalne léman Allah.”

YAHYA 1:49

“Bapaq Guru,” basen Natanael, “Pelungguh tetu-tetu Bije saq asalne léman Allah! Pelungguh Raje dengan Israel!”

YAHYA 20:31

Laguq selapuqne niki tetulis, adéq side pade percaye bahwe Deside Isa nike Mesias, Bije saq asalne léman Allah, dait adéq siq percaye, side pade nerimaq idup dalem peséngan-Ne.

YAHYA 9:35

Deside Isa pireng bahwe ie pade sampun sediq dengan nike léman balé ibadah. Deside Isa boyaq dengan nike beterus bemanik léq ie, “Napi side percaye léq Bije Manusie?”

KISAH RASUL-RASUL 9:20

Ie langsung lumbar ojok balé-balé ibadah dait mulai beriteang bahwe Deside Isa nike Bije saq asalne léman Allah.

2 KORINTUS 1:19

Séngaq Deside Isa Almasih, Bije saq asalne léman Allah, saq teberiteang tipaq side siq Silwanus, Timotius, dait siq tiang mésaq ndéqne “Enggih” atao “Ndéq”. Laguq sebalikne léq dalem Deside Isa Almasih cume araq “Enggih”.

GALATIA 2:20

Mangkin ndéqne malik tiang saq idup, laguq Almasih saq idup léq dalem diriq tiang. Dait idup saq tiang alamin mangkin niki, idup siq iman tipaq Bije saq asalne léman Allah saq ngasihin tiang dait saq sampun ngurbanang diriq-Ne umaq tiang.

1 TESALONIKA 3:5

Keranaq nike tiang ngutus Timotius, séngaq tiang melét gati nenaoq berembé imande. Tiang kuatir Belis berhasil gode side pade sehingge selapuq usahe tiang pade jari sie-sie.

IBRANI 12:16

Jagaq adéq ndaq jangke araq dengan saq gawéq perbuatan saq cabul atao bedowé napsu saq rendah maraq Esau, saq jual hakne sebagé bije saq sengake, cume jari sepiring keloran.

IBRANI 4:14

Keranaq nike ite harus tetu-tetu percaye léq pengakuan imante. Séngaq ite bedowé Imam Agung saq beléq saq sampun liwatin selapuq langit, Ie Deside Isa, Bije saq asalne léman Allah.

IBRANI 7:3

Mengenai Melkisedek niki ndéq araq keterangan bahwe ie bedowé amaq atao inaq atao leluhur; ndéq araq éndah keterangan mengenai kelahiranne, atao ninggalne. Ie pade maraq Bije saq asalne léman Allah; Ie Imam saq kekel.

1 YAHYA 3:8

Laguq dengan saq tetep piaq dose, nike anak Belis, séngaq Belis gawéq dose léman penembéqne. Nike lantaranne Bije saq asalne léman Allah rauh, jari ngancurang pegawéan Belis.

WAHYU 2:10

Ndaq takut léq penderitean saq ndéq pire ngonéq malik side gen alamin. Inget, Belis gen namaqang separo léman side pade ojok dalem bui jari cobe side pade. Side pade gen menderite sepulu jelo ngonéqne. Side pade harus setie léq Tiang jangke ninggal, make Tiang gen ngicanin side mahkote kehidupan.