MATIUS 22:3 - KITAB SUCI ZABUR INJIL

³ Raje nike ngutus pelayan-pelayanne ngempoh dengan-dengan saq sampun tepesilaq ojok gawé nike, laguq dengan-dengan saq tepesilaq nike ndéq mélé dateng.

MATIUS 22:3 ပူးပေါင်းရင်းမြစ်များ

ZABUR 68:11

Beterus umat Deside ndot léq derike; léq dalem kesolahan Deside, ya Allah, Deside meliharaq dengan miskin.

MATIUS 21:34

Waktu dateng musim padas buaq anggur, majikan nike ngutus pelayan-pelayanne tipaq penyakap-penyakap nike jari nerimaq bagianne.

MATIUS 23:37

“Yerusalem, Yerusalem! Side matéq nabi-nabi. Utusan-utusan Allah side peléwas siq batu jangke ninggal. Sampun pire kali Tiang mélé ngumpulang selapuq pendudukde, maraq inen manuk saq kekep anak-anakne léq bawaq kelétékne, laguq side ndéq mélé!

MATIUS 3:2

“Pade tobat léman dose-dosende, séngaq Kerajaan Sorge sampun rapet!”

MATIUS 9:15

Jawab Deside Isa léq ie pade, “Segerah temué-temué léq gawé ngawinang aséq angenne lamun pengantén mame masih araq bareng ie pade? Pasti ndéq! Laguq gen dateng waktune pengantén mame nike gen tebait léman ie pade. Léq waktu nike baruq ie pade puase.

LUKAS 13:34

Yerusalem, Yerusalem! Side matéq nabi-nabi! Utusan-utusan Allah side peléwas siq batu jangke ninggal! Sampun pire kali Tiang mélé ngumpulang selapuq pendudukde maraq inen manuk saq kekep anak-anakne léq bawaq kelétékne, laguq side ndéq mélé!

LUKAS 15:28

Bije saq sengake nike gedek gati, jangke ie ndéq mélé tame balé. Beterus amaqne sugul dait ngodop ie adéqne tame.

LUKAS 19:27

Laguq mangkin side jauq ojok deriki musuh-musuh tiang nike saq ndéq setuju tiang jari rajene. Matéq ie pade selapuq léq julun tiang!’ ”

YAHYA 5:40

Laguq side pade ndéq mélé dateng ojok Tiang adéq side pade mauq idup.

KISAH RASUL-RASUL 13:45

Waktu dengan-dengan Yahudi serioq dengan luwéq nike, ie pade talon até gati. Ie pade menghine Paulus dait nentang selapuq saq ie sampéang.

ROMA 10:21

Laguq mengenai bangse Israel, Yesaya bebase, maraq niki Manik Allah, “Sejeloan Tiang ngulurang imen Tiang tipaq sopoq bangse saq pagah dait ndéq taat.”

IBRANI 12:25

Keranaq nike, onyaq-onyaq ndaq jangke side ndéq mélé dengahang Ie saq bemanik nike. Ie pade saq ndéq mélé dengah Ie saq rauh ojok gumi dait nyampéang Manik Allah, ndéqne bau pelai. Lebih-lebih ite niki saq dengahang Ie saq bemanik léman sorge! Lamun ite ndéq mélé dengahang Ie, ndéq mungkin ite bau selamet!

IBRANI 9:15

Keranaq nike Almasih jari Perantare sopoq perjanjian saq baru, adéq dengan saq sampun temanikang siq Allah bau nerimaq berkah-berkah saq kekel saq sampun tejanjiqang siq Allah, lantaran ninggal-Ne nike sampun nebus pelanggaran-pelanggaran saq tepiaq léq perjanjian saq penembéq.

WAHYU 22:17

Roh Allah dait Pengantén Nine nike bebase, “Silaq!” Sebilang dengan saq dengah niki éndah harus ngucapang, “Silaq!”. Sai saq bedak, ie harus dateng! Dait sai saq melét, ie harus bait aiq kehidupan nike secare cume-cume.