MATIUS 17:2 - KITAB SUCI ZABUR INJIL

² Beterus Deside Isa begentiq rue léq julun ie pade. Penjarupan-Ne jari menah maraq sinar jelo dait kuace-Ne jari putéq becahaye.

MATIUS 17:2 ပူးပေါင်းရင်းမြစ်များ

ZABUR 104:2

dait bekelumbung siq cahaye. Deside pentangang langit maraq kémah,

MATIUS 17:1

Enem jelo sesampun nike, Deside Isa gadingang Petrus, Yakub dait Yahya semetonne Yakub, taék ojok sopoq gunung saq atas. Cume ie pade saq araq léq derike.

MATIUS 17:3

Selung-selung ie pade serioq Musa dait Elia léq derike kenyeke bebaos kance Deside Isa.

MATIUS 28:3

Muen malaékat nike maraq kisap dait kelambine putéq gati.

MARKUS 9:3

Kuace-Ne jari putéq ngempor. Ndéq araq sopoq dengan tukang popoq léq dunie niki saq tao mopoq putéqne maraq nike.

LUKAS 9:29

Sewaktu Deside Isa bedo'e léq derike, penjarupan-Ne berobah dait kuace-Ne jari putéq ngempor.

YAHYA 1:14

Manik nike sampun jari manusie, beterus Ie araq léq antare ite, dait ite sampun serioq kemuliean-Ne, kemuliean saq teicanin tipaq Ie sebagé Bije Nunggal saq asalne léman Bapa, penoq rahmat dait kebenaran.

YAHYA 17:24

Bapa, Tiang melét adéq léq mbé juaq Tiang araq, ie pade éndah araq bareng kance Tiang, ie pade saq sampun Deside icanin tipaq Tiang, adéq ie pade serioq kemuliean Tiang saq sampun Deside icanin tipaq Tiang, séngaq Deside sampun ngasihin Tiang sendéqman dunie tecipteang.

ROMA 12:2

Ndaq turut kebiasean dunie niki, laguq robah diriqde mésaq siq pembaruan budi side pade, adéq bau bédeang pekayunan Allah: Saq solah, saq nyenengang Allah, dait saq sempurne.

WAHYU 10:1

Terus tiang serioq sopoq malaékat perkase saq lain turun léman sorge. Ie tekerubung siq awan, dait sopoq sabuk bidedari ngelingkerin ulune. Muene becahaye maraq jelo dait naéne maraq teken api.

WAHYU 20:11

Sesampun nike tiang serioq sopoq tahte putéq saq beléq dait Ie saq melinggih léq atasne. Langit dait gumi musnah léman arepan-Ne, sehingge ndéq penggitan malik.