LUKAS 9:6 - KITAB SUCI ZABUR INJIL

⁶ Pengiring-pengiring Deside Isa berangkat, beterus lumbar ojok dése-dése jari nyampéang Kabar Solah nike dait nyelahang dengan sakit léq selapuq taoq.

LUKAS 9:6 ပူးပေါင်းရင်းမြစ်များ

MARKUS 16:20

Make pengiring-pengiring-Ne lumbar dait nyampéang Kabar Solah léman Allah ojok mbé-mbé. Dait Tuhan éndah bekarye bareng kance ie pade, dait tebuktiang siq tande-tande ajaip bahwe berite saq ie pade sampéang nike mule kenaq.

LUKAS 8:1

Ndéq ngonéq sesampun nike, Deside Isa lumbar ojok kote-kote dait kampung-kampung jari beriteang Kabar Solah mengenai Kerajaan Allah. Due olas pengiring Deside Isa éndah milu ngiring Ie.

KISAH RASUL-RASUL 4:30

Tunas adéq tiang pade bau nyelahang dengan sakit dait miaq keajaipan-keajaipan dait tande-tande siq peséngan Deside Isa, Hambe Deside saq suci nike.”

KISAH RASUL-RASUL 5:15

Malahan ie pade jauq dengan-dengan sakit tetoloq léq atas lasah atao tipah, terus tejauq ojok rurung, sendéq-ndéqne adéq ie pade bau kene siq lingonne Petrus lamun ie liwat léq derike.