LUKAS 9:5 - KITAB SUCI ZABUR INJIL

⁵ Dait léq mbé side pade ndéq teterimaq, léq waktu side pade bilin kote nike, kerapang kerepuk léman lampak naénde jari peringetan tipaq ie pade.”

LUKAS 9:5 ပူးပေါင်းရင်းမြစ်များ

MATIUS 10:18

Side pade gen tejauq ojok arepan penguase-penguase dait raje-raje séngaq side pade jari pengiring Tiang. Nike jari kesempatan side pade ngebéng kesaksian mengenai Tiang léq ie pade dait dengan-dengan saq ndéq kenal Allah.

MARKUS 6:11

Laguq lamun side pade dateng léq sopoq taoq, dait dengan-dengan léq derike ndéq mélé nerimaq dait dengahang side pade, bilin taoq nike. Dait kerapang kerepuk léman lampak naénde jari peringetan tipaq ie pade!”

MARKUS 9:37

“Dengan saq nerimaq sopoq kanak maraq niki lantaran Tiang, artine nerimaq Tiang. Dait dengan saq nerimaq Tiang, ie ndéq nerimaq Tiang doang, laguq nerimaq éndah Ie saq ngutus Tiang.”

LUKAS 10:16

Beterus Deside Isa bemanik léq pengiring-pengiring-Ne, “Dengan saq dengahang side pade, artine ie dengahang Tiang. Dengan saq nolaq side pade, ie nolaq Tiang. Dait dengan saq nolaq Tiang, artine ie éndah nolaq Allah saq ngutus Tiang.”

LUKAS 5:14

Beterus Deside Isa balaq dengan nike tuturang léq sai-sai, dait bemanik-Ne, “Silaq lumbar ojok imam, dait tunas ie pastiang bahwe side sampun selah. Beterus lumbar ngaturang kurban maraq saq tepréntahang Musa, jari bukti tipaq dengan-dengan bahwe side tetu-tetu sampun selah.”

LUKAS 9:4

Léq mbé juaq side pade teterimaq, ndot léq derike jangke side pade bilin kote nike.

LUKAS 9:48

Terus Deside Isa bemanik léq pengiring-pengiring-Ne, “Dengan saq nerimaq kanak niki lantaran Tiang, artine nerimaq Tiang. Dait dengan saq nerimaq Tiang, nerimaq Ie saq ngutus Tiang. Séngaq dengan saq paling kodéq léq antare side pade, ie saq paling beléq!”

KISAH RASUL-RASUL 13:51

Beterus, rasul-rasul nike kerapang kerepuk léq naén ie pade léq julun dengan-dengan nike jari peringetan, terus lumbar ojok Ikonium.

KISAH RASUL-RASUL 18:6

Laguq lantaran dengan-dengan terus doang nentang dait ngewade ie, make Paulus ngerapang kerepuk léman kelambine jari ngebéng peringetan tipaq kesalaqan ie pade. Basen Paulus, “Side mésaq saq nanggung kesalaqande. Tiang ndéq salaq, tiang bersi! Mulai mangkin tiang gen lalo ojok dengan bangse-bangse lain.”