LUKAS 9:41 - KITAB SUCI ZABUR INJIL

⁴¹ Deside Isa bemanik, “Luar biase side pade niki! Side pade tetu-tetu dengan saq ndéq percaye dait sesat. Jangke piran Tiang harus tetep araq kance side pade, dait sabar tipaq side pade? Jauq anakde nike ojok deriki!”

LUKAS 9:41 ပူးပေါင်းရင်းမြစ်များ

ZABUR 78:8

adéq ie pade ndéq maraq leluhur ie pade saq girang ngelawan dait durhake; dengan-dengan saq ndéq tetep imanne, dait ndéq setie léq Allah.

MATIUS 11:28

Silaq dateng ojok Tiang selapuqde saq lelah dait saq bedowé bandean berat; Tiang gen béng kelepasan tipaq side.

MATIUS 12:39

Laguq jawab Deside Isa, “Jahat gati dait durhake dengan-dengan léq jaman niki! Side pade mélé serioq Tiang miaq tande? Tipaq side pade ndéq gen teicanin sopoq juaq tande kecuali tande Nabi Yunus.

MATIUS 12:45

Beterus ie lalo dait jauq pituq roh lain saq jahatan léman ie. Terus ie pade tame ojok dalem dengan nike dait ndot léq derike. Dait ahirne keadaan dengan nike jari lengéan léman saq mule. Hal saq maraq nike éndah gen telaksane tipaq dengan-dengan jahat jaman niki.”

MATIUS 16:4

“Jahat gati dait durhake dengan-dengan léq jaman niki! Side pade mélé serioq Tiang miaq tande? Tipaq side pade ndéq gen teicanin sopoq juaq tande kecuali tande Nabi Yunus.” Sesampun Deside Isa bemanik maraq nike, Ie margi bilin ie pade.

MATIUS 17:17

Jawab Deside Isa, “Luar biase side pade niki! Side pade tetu-tetu dengan-dengan saq ndéq percaye dait sesat! Jangke piran Tiang harus araq kance side pade dait tetep sabar tipaq side pade? Jauq jauq kanak nike ojok deriki!”

MATIUS 23:36

Tiang badaq side: Selapuqne nike gen tetanggung siq dengan-dengan jaman niki!”

MATIUS 3:7

Luwéq éndah dengan Saduki dait Parisi dateng mélé tebaptis siq Yahya. Laguq sewaktu ie serioq dengan-dengan nike dateng, Yahya bebase léq ie pade, “Hai, side dengan jahat! Sai saq badaq bahwe side bau selamet léman hukuman Allah saq gen dateng?

MARKUS 10:14

Cingakin hal nike, Deside Isa menggah terus bemanik tipaq pengiring-pengiring-Ne, “Alurang kanak-kanak nike dateng ojok Tiang! Ndaq balaq ie pade, séngaq dengan-dengan saq maraq niki saq dowéang Kerajaan Allah.

MARKUS 10:49

Beterus Deside Isa mentelah terus bemanik, “Empoh ie.” Beterus ie pade ngempoh dengan bute nike. Ie pade bebase léq ie, “Tenang! Side temanikang siq Deside Isa, silaq ures!”

MARKUS 9:19

Make Deside Isa bemanik tipaq ie pade, “Luar biase side pade niki! Side pade tetu-tetu dengan saq ndéq percaye. Jangke piran Tiang harus araq kance side pade dait sabar tipaq side pade? Jauq kanak nike ojok deriki!”

LUKAS 8:25

Beterus Deside Isa bemanik léq pengiring-pengiring-Ne, “Kembéq side pade ndéq percaye léq Tiang?” Ie pade jari bengaq dait takut. Dait ie pade saling ketuan sopoq kance saq lain, “Sai setetune dengan niki, sehingge angin dait umbak taat léq préntah-Ne!”

LUKAS 9:40

Tiang sampun tunas pengiring-pengiring Pelungguh sediq roh nike, laguq ie pade ndéq tao.”

LUKAS 9:42

Léq waktu kanak nike lampaq ngerapetin Deside Isa, sétan nike timpak ie dait piaq awakne jari kojor-kojor. Laguq Deside Isa préntahang roh jahat nike sugul, terus kanak nike selah. Beterus kanak nike teserahang ojok amaqne.

YAHYA 14:9

Laguq jawab Deside Isa, “Sampun bégaq ngonéqne Tiang bareng kance side pade, laguq ndéqman éndah side kenal Tiang, Pilipus? Dengan saq sampun serioq Tiang, sampun serioq Bapa, berembé side iniq bebase, ‘Silaq nyatayang Bapa léq tiang pade’?

YAHYA 20:27

Beterus Ie bemanik léq Tomas, “Toloq ranggotde léq deriki dait serioq imen Tiang, ulurang imende dait toloq léq woteng Tiang. Ndaq ragu-ragu malik, laguq percaye!”

KISAH RASUL-RASUL 13:18

Allah sabar léq tingkah laku ie pade léq padang gurun petang dase taun ngonéqne.

KISAH RASUL-RASUL 2:40

Maraq nike Petrus jelasang léq ie pade. Dait siq luwéq ucapan lain malik ie ngebéng sopoq kesaksian dait ngebéng naséhat, dait basene: “Serahang diriqde adéq teselametang léman keturunan saq jahat niki.”

ROMA 2:4

Atao side pade ngeréméhang kemurahan Allah dait kesolahan kance kesabaran Allah saq beléq nike? Pasti side pade selapuq nenaoq bahwe Allah nyatayang kesolahan angen-Ne séngaq Allah kayun adéq side pade selapuq betobat léman dose-dose side pade.

IBRANI 3:19

Jari, sampun jelas léq ite, bahwe ie pade ndéq bau tame séngaq ie pade ndéq percaye.

IBRANI 4:11

Keranaq nike, silaq ite berusahe pacu-pacu jari tame ojok taoq-Ne mentelah nike, adéq ndaq jangke sopoq dengan juaq léman ite saq gagal maraq ie pade laéq, lantaran ndéqne percaye léq Allah.

IBRANI 4:2

Séngaq Kabar Solah nike sampun teberiteang léq ite, pade maraq tipaq ie pade. Laguq léq ie pade, manik nike ndéq araq manpaatne. Séngaq sewaktu ie pade dengah, ie pade ndéq percaye.

IBRANI 7:25

Keranaq nike jari selaéq-laéqne Deside Isa bau nyelametang dengan-dengan saq parek ojok Allah langan Ie, séngaq Ie idup selaéq-laéqne jari Perantare ie pade.