LUKAS 9:2 - KITAB SUCI ZABUR INJIL

² Beterus Deside Isa ngutus ie pade lumbar nyelahang dengan sakit dait nyampéang kabar mengenai Kerajaan Allah.

LUKAS 9:2 ပူးပေါင်းရင်းမြစ်များ

MATIUS 10:5

Kedue olas rasul nike teutus siq Deside Isa, dait ie pade tepesen: “Ndaq lumbar ojok daérah dengan bangse-bangse lain atao ojok kote-kote dengan Samaria.

MATIUS 13:19

Binéq saq geriq léq langan nike ibarat dengan-dengan saq dengah manik mengenai Kerajaan Sorge, laguq ie pade ndéq ngerti. Beterus Si Jahat nike dateng ngerampas napi saq sampun tesawur léq dalem até dengan-dengan nike.

MATIUS 24:14

Dait Kabar Solah mengenai Kerajaan Allah gen tekabarang ojok seantéro dunie, adéq selapuq dengan dengah hal nike. Sesampun nike baruq kiamat nike dateng.”

MATIUS 3:2

“Pade tobat léman dose-dosende, séngaq Kerajaan Sorge sampun rapet!”

MARKUS 16:15

Beterus Deside Isa bemanik léq ie pade, “Silaq lumbar ojok seantéro dunie dait beriteang Kabar Solah léman Allah tipaq selapuq mahluk.

MARKUS 6:12

Beterus kedue olas pengiring Deside Isa nike lumbar. Ie pade lumbar nyampéang berite bahwe manusie harus tobat léman dose-dosene.

LUKAS 10:1

Sesampun nike, Junjungan Saq Mulie Deside Isa piléq pituq pulu pengiring saq lain, terus ie pade teutus due-due siq Deside Isa jari senjuluq Ie ojok sebilang kote dait taoq saq gen Ie rauhin.

LUKAS 10:11

‘Kerepuk kotende saq nekét léq naén tiang pade, tiang pade kerapang sebagé peringetan tipaq side. Laguq adéq side pade nenaoq Kerajaan Allah sampun rapet!’

LUKAS 10:9

Selahang dengan-dengan sakit léq kote nike, dait badaq dengan-dengan léq derike, ‘Kerajaan Allah sampun rapet léq side.’

LUKAS 16:16

Hukum Taurat dait kitab nabi-nabi, tetep tekadu jangke jaman Yahya. Léman waktu nike Kabar Solah mengenai Kerajaan Allah terus teberiteang. Dait luwéq dengan berebutan tame léq dalem Kerajaan Allah nike.

LUKAS 9:11

Laguq sewaktu dengan-dengan nenaoq hal nike, ie pade nerutuk Deside Isa. Ie pade tesambut siq Deside Isa, terus bebaos tipaq ie pade mengenai Kerajaan Allah. Dait Ie éndah nyelahang dengan sakit léq antare ie pade.