LUKAS 9:1 - KITAB SUCI ZABUR INJIL

¹ Deside Isa ngemanikang kedue olas pengiring-Ne, terus ngicanin ie pade kuase jari sediq sétan-sétan dait nyelahang penyakit.

LUKAS 9:1 ပူးပေါင်းရင်းမြစ်များ

MATIUS 16:19

Tiang gen béng side kunci Kerajaan Sorge. Dait napi saq side taliq léq gumi, gen tetaliq éndah léq sorge. Dait napi saq side lekaq léq dunie niki, gen telekaq éndah léq sorge.”

MATIUS 4:24

Kabar mengenai Deside Isa nike nyebar léq selapuq daérah Siria, sehingge luwéq dengan dateng ojok Ie jauq dengan-dengan saq ngidap segale macem penyakit dait saq susah. Dengan-dengan saq tekuasein siq roh jahat, saq sakit mopok, dait saq képaq, selapuqne teselahang siq Deside Isa.

MATIUS 8:9

Séngaq tiang éndah bedowé atasan dait tiang harus taat léq ie. Dait léq bawaq tiang éndah araq prajurit-prajurit saq harus taat léq préntah tiang. Lamun tiang suruq sopoq prajurit, ‘Lalo!’ ie pasti lalo. Dait lamun tiang suruq saq lain, ‘Dateng!’ ie pasti dateng; dait lamun tiang préntah pelayan tiang, ‘Laksaneang!’ pasti ie laksaneang.”

LUKAS 10:1

Sesampun nike, Junjungan Saq Mulie Deside Isa piléq pituq pulu pengiring saq lain, terus ie pade teutus due-due siq Deside Isa jari senjuluq Ie ojok sebilang kote dait taoq saq gen Ie rauhin.

LUKAS 10:19

Setetune, side pade sampun Tiang béng kuase adéq side pade bau ngicaq ulah dait teledu serte kuase jari nahen selapuq kekuatan musuh, sehingge ndéq araq saq gen bahayeang side pade.

YAHYA 14:12

Tiang badaq side: Setetune dengan saq percaye léq Tiang, gen ngelaksaneang napi saq sampun Tiang laksaneang -- malahan ie gen ngelaksaneang saq beléqan malik -- séngaq Tiang lalo tipaq Bapa.

KISAH RASUL-RASUL 1:8

Laguq side pade gen nerimaq kuase, sewaktu Roh Suci sampun rauh tipaq side. Dait side pade gen jari saksi-saksi Tiang léq Yerusalem, léq selapuq wilayah Yudea, léq Samaria, dait jangke dateng poton gumi.”

KISAH RASUL-RASUL 3:16

Side pade sampun serioq dait nyaksiang napi saq telaksane léq dengan képaq niki. Ie sampun jari kuat dait séhat malik séngaq ie percaye dalem peséngan Deside Isa dait kuase-Ne. Lantaran percaye léq Deside Isa make dengan niki bau séhat malik léq julun side pade selapuq.

KISAH RASUL-RASUL 4:30

Tunas adéq tiang pade bau nyelahang dengan sakit dait miaq keajaipan-keajaipan dait tande-tande siq peséngan Deside Isa, Hambe Deside saq suci nike.”

KISAH RASUL-RASUL 9:34

Petrus bebase léq Eneas, “Eneas, Deside Isa Almasih nyelahang side. Silaq ures, periri petindoqande.” Waktu nike éndah Eneas ures.