LUKAS 8:3 - KITAB SUCI ZABUR INJIL

³ Yohana, seninene Kuza, pegawé istane Herodes; Susana, dait luwéq malik dengan nine lain. Siq biaye mésaq, ie pade nulung Deside Isa dait pengiring-pengiring-Ne.

LUKAS 8:3 ပူးပေါင်းရင်းမြစ်များ

MATIUS 14:1

Léq waktu nike, Herodes saq jari raje wilayah negeri Galilea pireng kabar mengenai Deside Isa.

MATIUS 14:3

Séngaq sendéqman nike Herodes ngutus dengan jari bau Yahya dait sékoq ie terus tetamaqang ojok dalem bui. Hal nike telaksaneang siq Herodes lantaran Herodias sebiniqne Pilipus, sanakne mésaq.

MATIUS 14:6

Sewaktu Herodes ngerayeang gawé ulang taunne, bije Herodias saq nine ngigel léq julun temué-temué. Igelan kanak nike tetu-tetu nyenengang angen Herodes,

MATIUS 2:11

Ie pade tame ojok dalem balé nike dait serioqne Kanak nike kance Mariam, mamiq bini-Ne. Ie pade sujut nyembah Kanak nike, dait bukaq tangkaq dowéne, terus ngaturang léq Ie, emas, menyan dait mur.

MATIUS 20:8

Léq waktu serep jelo, épén dowé kebon anggur nike bebase léq mandorne, ‘Empoh buruh-buruh nike, dait bayah gajine sopoq-sopoq, mulai léman buruh saq paling mudi begawéan jangke saq paling julu begawéan.’

MATIUS 25:40

Raje nike gen bejawab, ‘Tiang badaq side: Setetune waktu side pade ngelaksaneang hal nike léq salaq sopoq sanak-sanak Tiang saq paling hine, artine side ngelaksaneang hal nike tipaq Tiang!’

MATIUS 26:11

Dengan miskin tetep araq léq antare side pade, laguq Tiang niki ndéq seterusne araq bareng kance side pade.

MATIUS 27:55

Léq derike araq éndah luwéq dengan nine saq kenyeke serioq hal nike léman jaoq. Ie pade sampun ngiring Deside Isa dait nulung Deside Isa mulai léman Galilea.

LUKAS 24:10

Dengan-dengan nine saq nyampéang selapuq hal nike tipaq rasul-rasul aranne: Mariam Magdalena, Yohana dait Mariam inaqne Yakub dait dengan-dengan nine lainne saq bareng kance ie pade.

YAHYA 12:6

Yudas bebase maraq nike ndéqne lantaran ie merhatiang dengan miskin, laguq lantaran ie pemalingan. Ie kereng bait képéng kas saq tesimpen léq ie.

KISAH RASUL-RASUL 13:1

Léq dalem jemaah léq Antiokia araq nabi-nabi dait guru-guru, aranne Barnabas, Simeon saq tejulukin Niger, Lukius léman Kirene, Menahem saq tebeléqang bareng kance Raje Herodes, dait Saulus.

2 KORINTUS 8:9

Séngaq side pade sampun nenaoq rahmat Junjungante Saq Mulie Deside Isa Almasih. Ie sugih, laguq Ie piaq diriq-Ne miskin jari kepentingande, adéq siq kemiskinan-Ne nike, side pade jari sugih.

PILIPI 4:22

Selapuq dengan saq tehususang bagi Allah léq kote niki, terutame ie pade saq araq léq istane Kaisar, ngirim salam tipaq side pade.

1 TIMOTIUS 5:10

terbukti jari dengan nine saq ngelaksaneang hal-hal saq solah, meliharaq bije-bijene jangke beléq secare bagus, béng dengan nyodoq léq baléne, ngelayanin dengan-dengan saq percaye, nulung dengan-dengan saq susah, dait pacu-pacu ngelaksaneang segale macem pegawéan saq solah.