LUKAS 7:9 - KITAB SUCI ZABUR INJIL

⁹ Deside Isa bengaq pirengang hal nike. Deside Isa nyereminang andang dengan luwéq saq kenyeke ngiring Ie dait bemanik, “Tiang badaq side, iman sebeléq niki ndéq uwah Tiang ndait léq antare dengan Israel.”

LUKAS 7:9 ပူးပေါင်းရင်းမြစ်များ

MATIUS 15:28

Beterus Deside Isa bemanik léq dengan nine nike, “Inaq, tetu-tetu beléq iman side! Alurang adéqne telaksane napi saq side harepang!” Léq waktu nike éndah, bije dengan nine nike selah.

MATIUS 8:10

Sesampun Deside Isa pirengang basen prewire nike, Deside Isa bengaq gati. Beterus Deside Isa bemanik léq dengan-dengan saq kenyeke ngiring Ie, “Tiang badaq side, iman sebeléq niki ndéq uwah Tiang ndait léq antare dengan Israel timaqne sopoq juaq!

MATIUS 9:33

Deside Isa sediq roh jahat nike dait léq waktu nike éndah dengan nike tao ngeraos malik. Dengan luwéq nike bengaq, dait bebase, “Ndéq uwah tiang pade serioq peristiwe saq maraq niki léq Israel!”

LUKAS 7:10

Sewaktu dengan-dengan saq teutus nike tulak ojok gedéng prewire nike, pelayan nike sampun selah.

LUKAS 7:50

Laguq Deside Isa bemanik léq dengan nine nike, “Lantaran side percaye léq Tiang make side jari selah, silaq lumbar dalem damé!”

LUKAS 7:8

Séngaq tiang éndah bedowé atasan dait tiang harus taat léq ie. Dait léq bawaq tiang éndah araq prajurit-prajurit saq harus taat léq préntah tiang. Lamun tiang suruq sopoq prajurit, ‘Lalo!’ ie pasti lalo. Dait lamun tiang suruq saq lain, ‘Dateng!’ ie pasti dateng; dait lamun tiang préntah pelayan tiang, ‘Laksaneang!’ pasti ie laksaneang.”