LUKAS 7:8 - KITAB SUCI ZABUR INJIL

⁸ Séngaq tiang éndah bedowé atasan dait tiang harus taat léq ie. Dait léq bawaq tiang éndah araq prajurit-prajurit saq harus taat léq préntah tiang. Lamun tiang suruq sopoq prajurit, ‘Lalo!’ ie pasti lalo. Dait lamun tiang suruq saq lain, ‘Dateng!’ ie pasti dateng; dait lamun tiang préntah pelayan tiang, ‘Laksaneang!’ pasti ie laksaneang.”

LUKAS 7:8 ပူးပေါင်းရင်းမြစ်များ

LUKAS 7:7

Malahan tiang mésaq nénten patut ngadep Pelungguh. Silaq Pelungguh bemanik doang adéq pelayan tiang selah.

LUKAS 7:9

Deside Isa bengaq pirengang hal nike. Deside Isa nyereminang andang dengan luwéq saq kenyeke ngiring Ie dait bemanik, “Tiang badaq side, iman sebeléq niki ndéq uwah Tiang ndait léq antare dengan Israel.”

KISAH RASUL-RASUL 23:17

Terus Paulus ngempoh sopoq prewire dait bebase léq ie, “Jauq terune niki ojok kepale pasukan, araq saq gen ie laporang léq kepale pasukan.”

KISAH RASUL-RASUL 23:23

Beterus kepale pasukan nike ngempoh due prewire, dait bebase léq ie pade, “Siepang satak prajurit dait pituq pulu tentere saq nunggang jaran dait satak tentere saq jauq tumbak, adéq ie pade berangkat jam siwaq kelem niki éndah ojok Kaisarea.

KISAH RASUL-RASUL 23:26

“Saq Mulie Gubernur Peliks. Salam léman Klaudius Lisias!

KISAH RASUL-RASUL 23:31

Beterus anggote-anggote tentere nike ngelaksaneang tugasne. Ie pade bait Paulus, terus kelem nike éndah jauqne Paulus ojok Antipatris.

KISAH RASUL-RASUL 24:23

Terus ie mréntahang prewire saq betanggung jawab léq Paulus nike adéqne tetep nahen Paulus, laguq ngebéng sekediq kebébasan léq ie dait ngijinang batur-baturne ngebéng napi saq ie perluang.

KISAH RASUL-RASUL 25:26

Laguq tiang ndéqman bedowé keterangan napi-napi saq teges mengenai diriqne jari tetulis léq surat tiang tipaq Kaisar. Keranaq nike tiang jauq ie ojok arepan pelungguh senamian, terutame gati tipaq Raje Agripa! Maksut tiang adéq sesampun pemeriksaan niki, tiang bau nulis sopoq laporan.

KOLOSE 3:22

Semeton senamian saq jari hambe! Pade taat léq majikande saq araq léq dunie niki dalem selapuq hal. Ketaatande nike ndaq cume léq waktu ie araq léq julunde adéq side teajum, laguq adéqde taat léq ie siq angen saq ihlas, séngaq side pade hormatin Tuhan.