LUKAS 7:47 - KITAB SUCI ZABUR INJIL

⁴⁷ Keranaq nike Tiang badaq side: Lantaran dosene saq luwéq sampun teampunin, make ie luwéq nyatayang kasihne. Laguq dengan saq teampunin sekediq, ie éndah gen sekediq nyatayang kasihne.”

LUKAS 7:47 ပူးပေါင်းရင်းမြစ်များ

MATIUS 10:37

Dengan saq beléqan kasihne tipaq amaqne atao inaqne ketimbang tipaq Tiang, ndéqne patut jari pengiring Tiang. Maraq nike éndah dengan saq ngasihin bijene saq nine atao bijene saq mame lebihan léman Tiang.

LUKAS 7:39

Sewaktu dengan Parisi saq pesilaq Deside Isa serioq hal nike, ie bebase dalem angenne, “Seandéne Ie niki nabi, pasti Ie wikanang sai dengan nine saq kintur Ie, séngaq dengan nine nike dengan bedose!”

LUKAS 7:46

Side ndéq minyakin ulun Tiang siq minyak, laguq dengan nine niki sampun minyakin naén Tiang siq minyak sengéh.

LUKAS 7:48

Beterus Deside Isa bemanik léq dengan nine nike, “Dose-dosende sampun teampunin.”

KISAH RASUL-RASUL 5:31

Dait Allah sampun ngicanin Ie kedudukan dait kekuasean saq tinggi sebagé Pemimpin dait Juruselamet; adéq bangse Israel tebéng kesempatan jari betobat léman dose-dosene dait mauq pengampunan.

ROMA 5:20

Allah ngicanin Hukum Taurat adéq selapuq dengan bau serioq berembé bedosene ie pade, laguq sayan manusie bedose, sayan belimpah-limpah rahmat Allah.

2 KORINTUS 5:14

Kasih Almasih saq nguasein tiang pade; dait tiang pade sadar bahwe lamun sopoq dengan sampun ninggal umaq selapuq dengan, make artine bahwe selapuq dengan sampun ninggal.

GALATIA 5:6

Séngaq léq dalem Deside Isa Almasih, besunat atao ndéq besunat ndéq araq manpaatne; laguq saq datengang manpaat, iman saq bekarye langan kasih.

EPESUS 6:24

Rahmat Allah araq bareng kance selapuq dengan saq ngasihin Junjungante Saq Mulie Deside Isa Almasih siq kasih saq kekel.

PILIPI 1:9

Niki do'e tiang umaq side pade: Semoge kasih side pade sayan luwéq léq dalem penenaoq saq kenaq dait léq dalem selapuq pengertian.

1 TIMOTIUS 1:14

Dait malahan rahmat secare melimpah teicanin tipaq tiang siq iman dait kasih léq dalem Deside Isa Almasih.

1 YAHYA 1:7

Laguq lamun ite idup léq dalem cahaye, maraq Allah araq léq dalem cahaye, make ite idup akrab, rukun sopoq kance saq lainne, dait daraq Deside Isa Almasih, Bije-Ne nike, nyuciang ite léman selapuq dose.

1 YAHYA 3:18

Bije-bije tiang! Ndaq ite ngasihin cume léq biwih atao cume siq ucapan doang. Ite harus ngasihin siq kasih saq sejati, saq tebuktiang siq perbuatante dait léq dalem kebenaran.

1 YAHYA 4:19

Ite ngasihin, séngaq Allah sampun juluan ngasihin ite.

1 YAHYA 5:3

Séngaq, kasih tipaq Allah artine: Bahwe ite taat léq préntah-préntah-Ne. Dait préntah-préntah-Ne nike ndéqne berat umaq ite,