LUKAS 7:16 - KITAB SUCI ZABUR INJIL

¹⁶ Selapuq dengan jari takut dait mulieang Allah. Ie pade bebase, “Sopoq nabi saq beléq sampun rauh léq tengaq-tengaq ite! Allah sampun rauh jari nyelametang umat-Ne!”

LUKAS 7:16 ပူးပေါင်းရင်းမြစ်များ

ZABUR 65:9

Selapuq penduduk gumi takut dait hormat serioq karye-karye Deside saq hébat. Seantéro gumi Deside piaq besurak cemoh.

MATIUS 15:31

Dengan luwéq saq araq léq derike bengaq gati, waktu ie pade serioq dengan pakoq tao ngeraos, dengan démpang jari selah, dengan képaq iniq lampaq dait dengan bute iniq nyerioq. Beterus ie pade mulieang Allah bangse Israel.

MATIUS 21:11

“Ie Nabi Isa léman Nazaret, kote léq Galilea,” jawab dengan-dengan luwéq saq ngiring Deside Isa.

MATIUS 28:8

Sesampun nike, dengan-dengan nine nike becat-becat bilin makam nike. Siq perasaan takut awor seneng ie pade pelai ngabarang selapuq hal nike léq pengiring-pengiring Deside Isa.

MATIUS 9:8

Sewaktu dengan-dengan nyaksiang peristiwe nike ie pade takut dait mulieang Allah. Séngaq Allah sampun ngicanin kuase saq beléq gati tipaq manusie.

LUKAS 1:65

Tetangge-tetanggene selapuq takut, dait kabar nike nyebar ojok selapuq wilayah pegunungan Yudea.

LUKAS 1:68

“Silaq ite memuji Allah, Tuhan bangse Israel, séngaq Ie sampun rauh tipaq umat-Ne dait bébasang ie pade.

LUKAS 19:44

Ie pade gen ngancurang side bareng selapuq pendudukde; dait ndéq gen araq sopoq batu saq masih beronjoq maraq béngan, séngaq side ndéq nenaoq waktu Allah rauh tipaq side!”

LUKAS 2:20

Pengarat-pengarat nike tulak sambil memuji dait mulieang Allah, séngaq selapuq saq sampun ie pade dengah dait serioq, pade maraq saq sampun tesampéang siq malaékat tipaq ie pade.

LUKAS 24:19

“Peristiwe napi nike?” manik Deside Isa. “Peristiwe mengenai Deside Isa, dengan léman Nazaret nike,” jawab ie pade. “Ie nabi. Ucapan dait perbuatan-Ne penoq siq kuase léq arepan Allah, dait léq arepan selapuq bangse.

LUKAS 5:26

Ie pade selapuq takjub gati terus mulieang Allah. Dait siq perasaan takut, ie pade bebase, “Ajaip gati peristiwe saq ite saksiang jelo niki!”

LUKAS 5:8

Waktu Simon serioq hal nike, ie sujut léq arepan Deside Isa terus matur, “Silaq bilin tiang, Junjungan Saq Mulie! Séngaq tiang dengan bedose!”

LUKAS 7:15

Terune saq sampun milinang nike ures, terus tokol dait mulai ngeraos. Make Deside Isa nyerahang ie ojok inaqne.

LUKAS 7:39

Sewaktu dengan Parisi saq pesilaq Deside Isa serioq hal nike, ie bebase dalem angenne, “Seandéne Ie niki nabi, pasti Ie wikanang sai dengan nine saq kintur Ie, séngaq dengan nine nike dengan bedose!”

LUKAS 8:37

Beterus selapuq penduduk daérah Gerasa nike tunas adéq Deside Isa bilin taoq nike, séngaq ie pade selapuq takut gati. Jari Deside Isa taék perau terus mantuk.

LUKAS 9:19

Jawab ie pade, “Araq saq bebase Yahya Pembaptis. Araq éndah saq bebase Elia, saq lain malik bebase salaq sopoq nabi jaman laéq saq sampun idup malik.”

YAHYA 1:21

“Lamun maraq nike, pelungguh sai?” Ie pade beketuan. “Napi pelungguh Elia?” “Nénten,” jawab Yahya. “Napi pelungguh nabi saq gen rauh?” “Nénten,” jawab Yahya.

YAHYA 1:25

ie pade beketuan, “Lamun pelungguh nénten Almasih, nénten Elia, nénten éndah nabi saq gen rauh, kembéq pelungguh baptis dengan?”

YAHYA 4:19

“Taoq tiang mangkin bahwe Pelungguh niki nabi,” basen dengan nine nike.

YAHYA 6:14

Sewaktu dengan luwéq serioq keajaipan saq tepiaq siq Deside Isa, ie pade bebase, “Mule tetu, niki Nabi saq gen rauh ojok dunie!”

YAHYA 9:17

Make dengan-dengan Parisi nike beketuan malik léq dengan nike, “Napi pendapet side léq Ie saq miaq side jangke tao nyerioq?” “Ie nabi,” jawab dengan nike.

KISAH RASUL-RASUL 5:5

Sesampun Ananias dengah ucapan-ucapan nike, ie rebaq, beterus ninggal. Selapuq dengan saq dengahang peristiwe nike jari takut.

KISAH RASUL-RASUL 7:37

Musa niki éndah saq bebase léq bangse Israel bahwe, ‘Allah gen ngutus sopoq nabi maraq tiang niki tipaq side pade léman bangsende mésaq.’

GALATIA 1:24

Make, ie pade mulieang Allah lantaran tiang.