LUKAS 6:9 - KITAB SUCI ZABUR INJIL

⁹ Beterus Deside Isa beketuan léq dengan-dengan saq araq léq derike, “Mbé saq tekanggoang léq jelo Sabat, solah atao gawéq hal saq jahat, nyelametang nyawe dengan atao nyematéq dengan?”

LUKAS 6:9 ပူးပေါင်းရင်းမြစ်များ

MARKUS 3:4

Beterus Deside Isa beketuan léq dengan-dengan saq araq léq derike, “Menurut agamente, napi saq kanggo ite laksaneang léq jelo Sabat? Laksaneang hal saq solah atao saq jahat? Nyelametang dengan atao nyematéq?” Ie pade tedoq doang.

LUKAS 14:3

Beterus Deside Isa beketuan léq ahli-ahli Taurat dait dengan-dengan Parisi saq araq léq derike, “Menurut Hukum Taurat, kanggo atao ndéq ite selahang dengan sakit léq jelo Sabat?”

LUKAS 6:10

Deside Isa cingakin sekelining ie pade selapuq, terus bemanik tipaq dengan nike, “Ulurang imende.” Dengan nike ngulurang imene, terus imene jari selah.

LUKAS 6:8

Laguq Deside Isa wikan pikiran ie pade. Make Deside Isa bemanik léq dengan saq maté setowéq imene nike, “Silaq nganjeng léq deriki léq julu!” Dengan nike ures, terus nganjeng léq derike.

LUKAS 9:56

Sesampun nike ie pade lumbar ojok kampung saq lain.