LUKAS 5:30 - KITAB SUCI ZABUR INJIL

³⁰ Dengan-dengan Parisi dait ahli-ahli Taurat ndéq seneng, terus bebase léq pengiring-pengiring Deside Isa, “Kembéq side selapuq medaran dait nginem kance penagih pajek dait dengan-dengan bedose?”

LUKAS 5:30 ပူးပေါင်းရင်းမြစ်များ

MATIUS 5:46

Séngaq lamun side ngasihin dengan saq ngasihin side doang, napi saq gen jari upaqde? Tekan penagih pajek éndah ngelaksaneang hal maraq nike.

MATIUS 9:11

Araq dengan-dengan Parisi saq serioq hal nike. Dait ie pade beketuan léq pengiring-pengiring Deside Isa, “Kembéq gurunde bareng medaran kance penagih pajek dait dengan bedose?”

MARKUS 2:16

Araq ahli-ahli Taurat léman golongan Parisi serioq Deside Isa bareng medaran kance penagih-penagih pajek dait dengan-dengan bedose. Jari ie pade beketuan léq pengiring-pengiring Deside Isa, “Kembéq gurunde teiring medaran siq penagih-penagih pajek dait dengan-dengan bedose nike?”

MARKUS 7:3

Dengan-dengan Parisi, maraq nike éndah selapuq dengan Yahudi, taat gati léq adat istiadat leluhur ie pade. Ie pade ndéq gen bekelor sendéqman bisoq ime maraq saq sampun tetentuang.

MARKUS 9:16

“Napi saq side pade masalahang kance ahli-ahli Taurat nike?” Deside Isa beketuan léq pengiring-pengiring-Ne.

LUKAS 18:11

Dengan Parisi nike nganjeng mésaq-mésaq dait bedo'e, ‘Ya Allah, tiang besyukur léq Deside, séngaq tiang ndéq maraq dengan lain, saq serakah, ndéq adil, atao bezinah. Tiang besyukur séngaq tiang ndéq maraq penagih pajek nike.

LUKAS 19:7

Selapuq dengan saq serioq hal nike mulai ngerumun, ie pade bebase, “Ie madéq léq balén dengan bedose!”

LUKAS 5:17

Léq sopoq jelo sewaktu Deside Isa kenyeke ngajahang, araq dengan-dengan Parisi dait ahli-ahli Taurat melinggih léq derike. Ie pade dateng léman Yerusalem, dait léman kote-kote léq Galilea dait Yudea. Kuase Tuhan araq léq Deside Isa sehingge Ie tao nyelahang dengan-dengan sakit.

LUKAS 5:21

Ahli-ahli Taurat dait dengan-dengan Parisi mulai beketuan léq dalem angenne, “Sai dengan niki? Ie menghine Allah? Sai saq bau ngampunin dose selain Allah?”

LUKAS 7:34

Bije Manusie rauh -- Ie medaran dait nginem -- terus side pade bebase, ‘Serioq dengan nike! Melak, girang bowos, batur penagih pajek, dait batur dengan bedose!’

LUKAS 7:39

Sewaktu dengan Parisi saq pesilaq Deside Isa serioq hal nike, ie bebase dalem angenne, “Seandéne Ie niki nabi, pasti Ie wikanang sai dengan nine saq kintur Ie, séngaq dengan nine nike dengan bedose!”

KISAH RASUL-RASUL 23:9

Beterus araq keributan saq beléq. Pire dengan Parisi saq jari ahli taurat nganjeng dait secare keras ie nentang hal nike, basen ie pade, “Menurut tiang pade dengan niki tetu-tetu ndéq salaq! Sang araq roh atao malaékat saq ngeraos léq ie!”