Sewaktu Deside Isa bemargi léq sedin Danao Galilea, Ie cingakin due nelayan aranne Simon dait Andreas adiqne. Ie pade kenyeke bau empaq kadu jaring léq danao nike.
Deside Isa terus bemargi, dait cingakin éndah due dengan besemeton saq lain, Yakub dait Yahya, bije-bije Zebedeus. Ie pade kenyeke ngeremaq jaring léq dalem perau.
Salaq sopoq léman kedue dengan saq sampun dengahang napi saq tesampéang Yahya, beterus lumbar ngiring Deside Isa, aranne Andreas, semetonne Simon Petrus.