LUKAS 5:11 - KITAB SUCI ZABUR INJIL

¹¹ Simon dait batur-baturne kedeng perau-perau nike ojok sedin danao, beterus bilin selapuqne, terus ngiring Deside Isa.

LUKAS 5:11 ပူးပေါင်းရင်းမြစ်များ

MATIUS 10:37

Dengan saq beléqan kasihne tipaq amaqne atao inaqne ketimbang tipaq Tiang, ndéqne patut jari pengiring Tiang. Maraq nike éndah dengan saq ngasihin bijene saq nine atao bijene saq mame lebihan léman Tiang.

MATIUS 19:27

Beterus Petrus matur, “Pelungguh cingakin, tiang pade sampun bilin selapuq-lapuqne jari ngiring Pelungguh. Dait napi saq gen tiang pade terimaq?”

MATIUS 19:29

Dait sebilang dengan saq sampun bilin balé, atao semeton mame atao nine, atao inaq amaqne, atao bije-bijene, atao kebon bangketne lantaran Tiang, dengan nike gen nerimaq satus kali lipet. Dait ie gen nerimaq éndah idup saq sejati dait kekel.

MATIUS 4:20

Langsung ie pade bilin jaringne terus ngiring Deside Isa.

MATIUS 4:22

langsung ie pade bilin perau dait amaqne terus ngiring Deside Isa.

MARKUS 10:21

Deside Isa perhatiang dengan nike siq penoq kasih terus bemanik, “Masih sopoq hal malik saq side perluang. Lumbar dait jual selapuq dowénde; sedekahang képéngne tipaq dengan-dengan miskin, dait side gen mauq harte léq sorge. Sesampun nike dateng turut Tiang.”

LUKAS 5:28

Beterus Lewi nganjeng dait bilin selapuqne, terus ngiring Deside Isa.