LUKAS 5:1 - KITAB SUCI ZABUR INJIL

¹ Léq sopoq waktu, Deside Isa nganjeng léq sedin Danao Genesaret. Luwéq dengan bedesek-desekan jari dengahang Manik Allah.

LUKAS 5:1 ပူးပေါင်းရင်းမြစ်များ

MATIUS 11:12

Mulai léman Yahya dateng jangke mangkin niki, Kerajaan Sorge tetentang siq dengan-dengan saq berusahe nguasein siq care kekerasan.

MATIUS 14:34

Sewaktu ie pade rauh léq itoqan danao, ie pade mendarat léq Genesaret.

MARKUS 3:9

Dengan-dengan nike luwéq gati, sehingge Deside Isa ngemanikang pengiring-pengiring-Ne siepang Ie perau, adéq Ie nénten tedesek siq dengan-dengan nike.

MARKUS 4:1

Deside Isa mulai malik ngajahang léq sedin danao. Luwéq gati dengan bekumpul léq sekelining-Ne. Keranaq nike Ie lumbar melinggih léq dalem sopoq perau léq atas aiq, dait dengan luwéq nike nganjeng léq sedin danao.

MARKUS 5:24

Beterus Deside Isa lumbar teiring siq Yairus. Luwéq dengan ngiring Ie, dait bedesek-desekan léq dékét-Ne.

MARKUS 6:53

Sesampun rauh léq itoqan danao, ie pade mendarat léq Genesaret.

LUKAS 12:1

Léq waktu beiyu-iyu dengan sampun bekeriwung dait bedesek-desekan, Deside Isa bemanik léq pengiring-pengiring-Ne, “Onyaq-onyaq léq ragi ruti dengan Parisi, maksut Tiang kemunapikan ie pade.

LUKAS 5:2

Deside Isa cingakin due perau léq sedin danao nike; nelayan-nelayanne sampun turun léman perau-perau nike dait ie pade kenyeke bisoq jaringne.

LUKAS 8:22

Léq sopoq jelo Deside Isa kance pengiring-pengiring-Ne taék ojok perau. “Silaq ite belayar ojok itoqan danao,” manik Deside Isa léq ie pade. Make ie pade berangkat.

LUKAS 8:23

Sewaktu ie pade kenyeke belayar, Deside Isa ketindoqan. Selung-selung angin pusut nimpe danao nike. Aiq mulai tame ojok dalem perau, sehingge bahayeang ie pade selapuq.

LUKAS 8:33

Make sétan-sétan nike sugul léman dengan nike dait tame ojok dalem bawi-bawi nike. Beterus bawi-bawi nike pelai dait nimproh léman sedin jurang ojok dalem danao, beterus ketelep.

LUKAS 8:45

Deside Isa beketuan, “Sai saq kintur Tiang?” Selapuq dengan ndéq araq saq ngaku. Beterus Petrus matur, “Paq Guru, araq luwéq gati dengan léq sekelining Pelungguh; ie pade desek-desek Pelungguh!”

YAHYA 1:40

Salaq sopoq léman kedue dengan saq sampun dengahang napi saq tesampéang Yahya, beterus lumbar ngiring Deside Isa, aranne Andreas, semetonne Simon Petrus.

YAHYA 6:1

Sesampun nike Deside Isa lumbar ojok itoqan Danao Galilea, saq tesebut éndah Danao Tiberias.

IBRANI 13:7

Ndaq lupaq léq pemimpin-pemimpinde saq nyampéang Manik Allah tipaq side. Perhatiang berembé léq penutuq idup ie pade dait turut teladan ie pade.