LUKAS 4:6 - KITAB SUCI ZABUR INJIL

⁶ Beterus Belis matur tipaq Deside Isa, “Selapuq kekuasean dait kesugihan niki gen tiang aturin tipaq Pelungguh, séngaq selapuqne sampun teserahang ojok tiang dait tiang bau ngebéng léq sai juaq saq tiang mélé béng.

LUKAS 4:6 ပူးပေါင်းရင်းမြစ်များ

LUKAS 4:7

Selapuqne nike gen jari dowén Pelungguh, lamun Pelungguh sujut nyembah tiang.”

YAHYA 12:31

Mangkin sampun waktune dunie tehakimin; mangkin penguase dunie niki gen tetetéh ojok luah.

YAHYA 14:30

Tiang ndéq gen badaq side padu luwéqan malik, séngaq sampun waktune penguase dunie niki dateng. Laguq ie ndéq bedowé kuase napi-napi léq diriq Tiang.

YAHYA 8:44

Belis nike saq jari bapaqde, dait side pade mélé turut keméléq bapaqde. Léman penembéqne Belis nike tukang nyematéq. Ie ndéq uwah béle kebenaran, séngaq ndéq araq kebenaran léq dalem diriqne. Lamun ie beduste nike hal saq biase, séngaq mule nike sipatne. Ie mule penduste dait sumber segale macem duste.

2 KORINTUS 11:14

Ndaq bengaq léq hal nike, séngaq Belis éndah nyamar jari malaékat terang!

EPESUS 2:2

Léq waktu nike side pade turut kebiasean-kebiasean dunie niki; artine side pade taat léq penguase-penguase saq araq léq awang-awang, nike roh saq mangkin nguasein até dengan-dengan saq durhake.

1 PETRUS 1:24

Dalem Kitab Suci tetulis maraq niki, “Selapuq umat manusie maraq pupaq, dait selapuq kemulieanne maraq kembang pupaq. Pupaq jari layu, kembang éndah jari roroq,

1 YAHYA 5:19

Ite nenaoq bahwe ite dowén Allah, dait seantéro dunie niki araq léq bawaq kekuasean Si Jahat.

WAHYU 12:9

Nage saq beléq nike tetetéh ojok luah, nike ulah toaq saq tesebut Belis atao Sétan, saq nyesatang seantéro dunie. Ie tetetéh ojok gumi kance selapuq malaékatne.

WAHYU 13:2

Binatang saq tiang serioq nike ruene maraq macan tutul, dait naéne maraq naé beruang, biwihne maraq biwih singe. Terus binatang nike tebéng siq nage nike kekuatanne mésaq, dait tahtene, dait kekuaseanne saq beléq.

WAHYU 13:7

Ie teijinang éndah ngelawan dengan-dengan saq tehususang bagi Allah dait ngalahang ie pade. Dait kekuasean léq selapuq suku, kaum, base, dait bangse teserahang léq ie.