LUKAS 4:5 - KITAB SUCI ZABUR INJIL

⁵ Terus Belis jauq Deside Isa ojok taoq saq atas, dait araq sepengkejep doang Belis petitoqang Deside Isa selapuq kerajaan léq dunie.

LUKAS 4:5 ပူးပေါင်းရင်းမြစ်များ

ZABUR 73:19

Dalem sekejep mate ie pade ancur, dahsyat gati ahir idup ie pade.

MATIUS 24:14

Dait Kabar Solah mengenai Kerajaan Allah gen tekabarang ojok seantéro dunie, adéq selapuq dengan dengah hal nike. Sesampun nike baruq kiamat nike dateng.”

MATIUS 4:8

Beterus jauqne malik Deside Isa ojok atas sopoq gunung saq atas gati, dait petitoqangne tipaq Deside Isa selapuq kerajaan léq dunie dait selapuq kesugihanne.

1 KORINTUS 15:52

Hal niki gen selung-selung telaksane sepengkejep mate, sewaktu terompét penutuq tetiup. Séngaq sewaktu kedengahan suare terompét nike, dengan-dengan ninggal gen teidupang malik kadu awak saq kekel, dait ite selapuqne gen terobah.

1 KORINTUS 7:31

dait dengan-dengan saq ngadu barang-barang saq araq léq dunie niki, harus idup maraqne ie ndéq ngadu hal-hal nike. Séngaq ndéqne ngonéq malik dunie niki, dalem keadaanne saq mangkin, gen musnah!

2 KORINTUS 4:17

Dait penderitean saq déang niki saq tiang pade alamin sementare, gen ngasilang sopoq kemuliean saq beléq dait kekel. Kemuliean nike beléqan lamun tebanding siq penderitean nike.

EPESUS 2:2

Léq waktu nike side pade turut kebiasean-kebiasean dunie niki; artine side pade taat léq penguase-penguase saq araq léq awang-awang, nike roh saq mangkin nguasein até dengan-dengan saq durhake.

EPESUS 6:12

Séngaq ite bejuang ndéqne ngelawan manusie, laguq ngelawan selapuq kekuatan sétan-sétan saq nguasein jaman saq jahat niki. Ite ngelawan roh-roh jahat saq araq léq awang-awang.