LUKAS 4:18 - KITAB SUCI ZABUR INJIL

¹⁸ “Roh Tuhan araq léq Tiang, séngaq Allah sampun nyuciang dait ngesahang Tiang jari beriteang Kabar Solah tipaq dengan miskin. Allah ngutus Tiang jari ngumumang tipaq dengan tawanan bahwe ie pade gen tebébasang dait tipaq dengan bute bahwe ie pade gen tao nyerioq malik; jari bébasang dengan saq tejajah,

LUKAS 4:18 ပူးပေါင်းရင်းမြစ်များ

ZABUR 102:20

ALLAH merhatiang léman taoq-Ne saq suci saq araq léq atas, léman sorge Ie cingakin ojok gumi

ZABUR 147:3

Ie nyelahang dengan saq polak angen, dait bebet bakat-bakat ie pade.

ZABUR 2:2

Raje-raje dunie besiep-siep dait pare penguase bemupakat ngelawan ALLAH dait ngelawan raje saq Ie piléq.

ZABUR 2:6

Manik-Ne, “Léq Sion, bukit Tiang saq suci sampun Tiang sahang raje piléqan Tiang.”

ZABUR 34:18

Lamun dengan soléh bekuih, ALLAH mirengang, dait nyelametang ie pade léman selapuq kesusahan.

ZABUR 45:7

Allah ngicanin pelungguh kuase jari mréntah, kuase pelungguh tahen selaéq-laéqne; siq adil pelungguh mréntah rakyat pelungguh.

ZABUR 51:17

Ya Junjungan kaji Saq Mulie, tulung kaji ngeraos, make kaji gen memuji-muji Deside.

MATIUS 11:5

Dengan bute tao nyerioq, dengan képaq tao lampaq, dengan kuste teselahang, dengan kedok tao dengah, dengan ninggal teidupang malik dait Kabar Solah léman Allah tesampéang ojok dengan-dengan miskin.

MATIUS 12:18

“Niki utusan Tiang saq Tiang piléq, Dengan saq Tiang kasihin dait saq nyenengang angen Tiang. Roh Tiang gen Tiang toloq léq Ie, keadilan Tiang gen Ie beriteang tipaq bangse-bangse.

MATIUS 12:20

Teréng buloq saq empak ndéq gen Ie polakang, dilah saq gen pedaq ndéq gen Ie pedaqang. Ie gen terus bejuang jangke keadilan telaksaneang;

MATIUS 4:16

Bangse saq endot léq dalem peteng, sampun serioq Terang saq menah tandur! Tipaq saq endot léq negeri saq tekudung siq peteng maut sampun tiwoq Terang!”

MATIUS 5:3

“Bahagie dengan saq miskin léq arepan Allah; séngaq ie pade saq dowéang Kerajaan Sorge!

LUKAS 4:17

terus Ie teaturin kitab Nabi Yesaya. Deside Isa bukaq gulungan kitab nike, terus dait-Ne ayat niki,

LUKAS 6:20

Deside Isa perhatiang pengiring-pengiring-Ne terus bemanik, “Bahagie side pade dengan-dengan miskin, séngaq side pade saq dowéang Kerajaan Allah!

LUKAS 7:22

Jari jawab Deside Isa, “Tulak tipaq Yahya dait badaq napi saq side pade dengah dait serioq: dengan bute tao nyerioq, dengan képaq tao lampaq, dengan sakit kuste selah, dengan kedok tao dedengah, dengan ninggal teidupang malik, dait Kabar Solah léman Allah tesampéang tipaq dengan-dengan miskin.

YAHYA 1:41

Becat-becat Andreas boyaq Simon, semetonne, dait bebase léq ie, “Tiang pade sampun bedait kance Mesias!” (Mesias pade artine kance Almasih.)

YAHYA 12:46

Tiang dateng ojok dunie jari terang, adéq selapuq dengan saq percaye léq Tiang ndaq ndot léq dalem peteng.

YAHYA 3:34

Séngaq dengan saq teutus siq Allah nyampéang Manik Allah, séngaq nénten araq tutuqne Allah ngicanin Roh-Ne.

KISAH RASUL-RASUL 10:38

Side pade nenaoq bahwe Allah sampun nyuciang dait ngesahang Deside Isa dengan Nazaret nike siq Roh Suci dait kuase. Side pade nenaoq éndah bahwe Deside Isa nike lumbar ojok mbé-mbé jari ngelaksaneang saq solah; Ie nyelahang selapuq dengan saq tekuasein siq Belis, séngaq Allah araq bareng Ie.

KISAH RASUL-RASUL 26:18

jari miaq meléng penenteng ie pade, adéq ie pade bebalik léman peteng ojok menah dait léman kuase Belis tipaq Allah. Adéq siq imanne tipaq Tiang, ie pade mauq pengampunan dose dait mauq bagian léq napi saq tetentuang jari dengan-dengan saq tehususang bagi Allah.’ ”

KISAH RASUL-RASUL 4:26

Raje-raje dunie besiep-siep gen perang, dait pare pemimpin besopoq ngelawan Tuhan dait ngelawan Almasih-Ne.’

KISAH RASUL-RASUL 4:27

Séngaq mule Herodes dait Pontius Pilatus sampun ngaraqang sangkep kance dengan bangse-bangse lain dait kance dengan-dengan Israel léq kote niki. Ie pade bedait jari ngelawan Deside Isa, Hambe Deside saq suci nike, saq sampun Deside sahang jari Almasih.

KOLOSE 1:13

Ie sampun bébasang ite léman penguase saq nguasein peteng dait ngalihang ite ojok dalem Kerajaan Bije-Ne saq Ie kasihin.

YAKUB 2:5

Inget, semeton-semeton saq tiang kasihin! Dengan saq miskin léq dunie niki tepiléq siq Allah adéqne jari dengan saq sugih léq dalem iman dait jari ahli waris Kerajaan saq sampun tejanjiqang siq Allah tipaq dengan-dengan saq ngasihin Ie.

1 PETRUS 2:9

Laguq side pade bangse saq tepiléq, imam-imam saq ngelayanin raje, bangse saq suci, umat dowén Allah mésaq. Allah miléq side pade dait ngemanikang side pade sugul léman taoq saq peteng jari tame ojok cahaye-Ne saq menah tandur, siq maksut adéq side pade nyampéang berite mengenai karye-karye-Ne saq luar biase.