LUKAS 4:16 - KITAB SUCI ZABUR INJIL

¹⁶ Deside Isa lumbar éndah ojok Nazaret, taoq Ie tebeléqang. Léq jelo Sabat maraq biasene Ie lumbar ojok balé ibadah. Deside Isa nganjeng jari bace Kitab Suci,

LUKAS 4:16 ပူးပေါင်းရင်းမြစ်များ

MATIUS 2:23

Léq derike ie ndot léq sopoq kote aranne Nazaret. Siq care nike telaksane napi saq tesampéang siq nabi-nabi mengenai Kanak nike: “Ie gen tesebut Dengan Nazaret.”

LUKAS 2:39

Sesampun Yusup dait Mariam ngelaksaneang selapuq saq tewajibang Hukum Tuhan, ie pade uléq ojok Nazaret léq Galilea.

LUKAS 2:42

Dait sewaktu Deside Isa beumur due olas taun, ie pade lumbar ojok perayaan nike maraq biasene.

LUKAS 2:51

Beterus Deside Isa mantuk bareng ie pade ojok Nazaret, dait Deside Isa taat léq ie pade. Selapuq hal nike seboqne léq dalem angenne siq Mariam.

LUKAS 4:15

Deside Isa ngajahang léq balé-balé ibadah, dait selapuq dengan muji Ie.

LUKAS 4:17

terus Ie teaturin kitab Nabi Yesaya. Deside Isa bukaq gulungan kitab nike, terus dait-Ne ayat niki,

LUKAS 4:21

Terus Deside Isa mulai bebaos léq ie pade maraq niki, “Léq jelo niki, ayat-ayat Kitab Suci niki sampun telaksane sewaktu side pade dengahang ayat-ayat nike.”

LUKAS 4:23

Make Deside Isa bemanik léq ie pade, “Pasti side pade gen kadu sesenggak niki léq Tiang, ‘Tabib, selahang diriq-De mésaq. Dait silaq piaq léq kampung asal Pelungguh mésaq keajaipan saq tiang pade dengah Pelungguh piaq léq Kapernaum!’ ”

YAHYA 18:20

Jawab Deside Isa, “Tiang tetep nyampéang secare terus terang léq julun dengan luwéq. Tiang tetep ngajahang léq balé-balé ibadah dait Gedéng Allah, taoq dengan Yahudi biasene bekumpul. Tiang ndéq uwah nyatayang napi-napi secare nyeboq-nyeboq.

KISAH RASUL-RASUL 17:2

Make Paulus éndah lumbar ojok balé ibadah nike -- maraq saq biase ie laksaneang -- terus ie pade saling tukah pendapet kance dengan-dengan léq derike mengenai ayat-ayat Kitab Suci. Ie laksaneang nike telu jelo Sabat beturut-turut.