LUKAS 3:7 - KITAB SUCI ZABUR INJIL

⁷ Luwéq dengan dateng ojok Yahya jari tebaptis. Yahya bebase léq ie pade, “Side dengan jahat! Sai saq badaq bahwe side bau selamet léman hukuman Allah saq gen dateng?

LUKAS 3:7 ပူးပေါင်းရင်းမြစ်များ

MATIUS 12:34

Side dengan jahat, berembé side bau ngucapang hal-hal saq solah lamun side jahat? Séngaq napi saq teucapang léq biwih tetentuang siq isi aténe!

MATIUS 23:33

Side pade jahat! Dait keturunan dengan jahat! Segerah side pade bau nyelametang diriq léman hukuman api nerake?

MATIUS 3:6

Ie pade ngaku dose-dosene, beterus ie pade tebaptis siq Yahya léq Kokoq Yordan.

YAHYA 8:44

Belis nike saq jari bapaqde, dait side pade mélé turut keméléq bapaqde. Léman penembéqne Belis nike tukang nyematéq. Ie ndéq uwah béle kebenaran, séngaq ndéq araq kebenaran léq dalem diriqne. Lamun ie beduste nike hal saq biase, séngaq mule nike sipatne. Ie mule penduste dait sumber segale macem duste.

KISAH RASUL-RASUL 13:10

terus bebase, “Hai, penipu beléq, anak durhake! Side musuh selapuq saq kenaq. Kembéq side pengéngoh Langan saq tepetitoqang siq Junjungan Saq Mulie nike?

1 TESALONIKA 1:10

Ie pade ngeraos éndah mengenai berembé side pade ngantih kerauhan Bije-Ne léman sorge, Deside Isa, saq sampun teidupang siq Allah léman ninggal. Deside Isa nike éndah saq nyelametang ite léman murke Allah saq gen dateng.

IBRANI 6:18

Kedue hal nike ndéqne bau berobah: Allah nénten mungkin beduste mengenai janji dait sumpah-Ne. Keranaq nike, ite saq boyaq perlindungan léq Allah, bedowé kebanian saq kuat jari mauq pengharepan saq araq léq julunte.

1 YAHYA 3:8

Laguq dengan saq tetep piaq dose, nike anak Belis, séngaq Belis gawéq dose léman penembéqne. Nike lantaranne Bije saq asalne léman Allah rauh, jari ngancurang pegawéan Belis.