LUKAS 3:16 - KITAB SUCI ZABUR INJIL

¹⁶ Keranaq nike Yahya bebase léq ie pade selapuq, “Tiang baptis side kadu aiq, laguq laun gen rauh Dengan saq beléqan kuasene léman tiang. Jari lekaq tali sepatu-Ne doang tiang ndéq patut. Ie gen baptis side kadu Roh Suci dait api.

LUKAS 3:16 ပူးပေါင်းရင်းမြစ်များ

MATIUS 3:11

Tiang baptis side kadu aiq jari tande bahwe side sampun betobat léman dose-dosende. Laguq Ie saq gen rauh pungkuran léman tiang, gen baptis side kadu Roh Suci dait api. Kuase-Ne beléqan léman tiang. Jari jauq sepatu-Ne doang tiang ndéq patut.

MATIUS 3:12

Léq gading-Ne araq kléong jari nampiq selapuq gandum-Ne jangke bersi; selapuq gandumne gen Ie kumpulang léq dalem lumbung, laguq selapuq gambasne gen Ie tunuq léq dalem api saq ndéq iniq pedaq.”

YAHYA 1:26

Jawab Yahya, “Tiang baptis dengan kadu aiq. Laguq léq tengaq-tengaq side pade araq Dengan saq nénten side pade kenal.

YAHYA 1:27

Ie rauh mudian léman tiang, laguq jari lekaq tali sepatu-Ne doang tiang ndéq patut.”

YAHYA 1:33

Léq waktu nike tiang ndéqman nenaoq sai Ie. Laguq Allah saq manikang tiang baptis dengan kadu aiq sampun bemanik léq tiang, ‘Lamun side serioq Roh Allah turun, beterus meneng léq atas sopoq dengan, Ie saq gen baptis dengan kadu Roh Suci.’

YAHYA 7:38

Sai-sai saq percaye léq Tiang, maraq tetulis léq dalem Kitab Suci: ‘Léman dalem aténe gen ngélék élékan-élékan aiq idup.’ ” (

KISAH RASUL-RASUL 1:5

Séngaq Yahya baptis kadu aiq, laguq karing pire jelo malik side pade gen tebaptis kadu Roh Suci.”

KISAH RASUL-RASUL 10:44

Sewaktu Petrus masih bebaos, Roh Suci turun nguasein selapuq dengan saq dengah berite nike.

KISAH RASUL-RASUL 2:33

Ie teangkat léq jabatan saq atas dait teicanin Roh Suci saq sampun tejanjiqang siq Bapa. Dait saq side pade dengah dait serioq mangkin niki, Roh nike saq Ie curahang tipaq tiang pade.

1 KORINTUS 12:13

Maraq nike éndah ite selapuq, timaq dengan Yahudi atao dengan bangse-bangse lain, hambe-hambe atao dengan bébas; ite selapuq sampun tebaptis siq Roh saq pade nike, adéq ite tejariang sopoq léq rage Almasih nike. Ite selapuq sepenoqne éndah ngalamin Roh saq sopoq nike.