LUKAS 3:11 - KITAB SUCI ZABUR INJIL

¹¹ Jawab Yahya, “Dengan saq bedowé due kelambi, harus ngebéng sopoq tipaq dengan saq ndéq bedowé; dait dengan saq bedowé keloran, gawéq maraq nike éndah.”

LUKAS 3:11 ပူးပေါင်းရင်းမြစ်များ

MATIUS 25:40

Raje nike gen bejawab, ‘Tiang badaq side: Setetune waktu side pade ngelaksaneang hal nike léq salaq sopoq sanak-sanak Tiang saq paling hine, artine side ngelaksaneang hal nike tipaq Tiang!’

LUKAS 11:41

Saq araq léq dalem piring jembungde nike, nike saq harus side pade béng ojok dengan-dengan miskin. Siq care nike, selapuqne gen jari bersi umaq side.

LUKAS 18:22

Sesampun Deside sa pireng dengan nike bebase maraq nike, Ie bemanik léq dengan nike, “Masih araq sopoq hal saq harus side laksaneang: Jual selapuq dowénde, béng képéngne tipaq dengan-dengan miskin, dait side gen mauq harte léq sorge. Sesampun nike dateng turut Tiang.”

LUKAS 19:8

Sesampun léq baléne, Zakeus nganjeng dait matur léq Deside Isa, “Junjungan Saq Mulie, separo léman dowén tiang gen tiang béng ojok dengan miskin; dait napi-napi saq sampun tiang bait léman dengan secare ndéq jujur, gen tiang tulakang malik léq ie empat kali lipet!”

YAHYA 13:29

Araq saq paran bahwe Deside Isa manikang Yudas beli napi-napi saq teperluang léq perayaan nike, atao ngicanin képéng tipaq dengan miskin -- séngaq Yudas nike jari bendahare léq antare ie pade.

KISAH RASUL-RASUL 10:2

Ie dengan saq takut léq Allah dait selapuq kadang jarine beribadah tipaq Allah. Ie luwéq nulung dengan-dengan Yahudi saq miskin, dait ie rajin bedo'e tipaq Allah.

KISAH RASUL-RASUL 10:31

Ie bemanik, ‘Kornelius, Allah sampun nerimaq do'ende dait iling léq kemurahan aténde.

KISAH RASUL-RASUL 10:4

Siq rase takut Kornelius perhatiang malaékat nike terus bebase, “Araq napi Bapaq?” Jawab malaékat nike, “Selapuq do'e dait kemurahan aténde nike sampun teterimaq siq Allah dait Allah iling léq side.

EPESUS 4:28

Dengan saq biase memaling harus engkah memaling. Sebalikne ie harus begawéan adéqne mauq napkahne secare jujur dait mauq nulung dengan saq kekurangan.

1 TIMOTIUS 6:17

Tipaq dengan-dengan saq sugih léq dunie niki, side harus béng naséhat adéqne ndaq sombong dait ndaq beharep léq barang-barang saq ndéq kekel -- misalne kesugihan. Ie pade harus beharep léq Allah saq ngicanin selapuq hal tipaq ite secare belimpah-limpah adéq ite nikmatin.

1 TIMOTIUS 6:18

Peringet adéq ie pade ngelaksaneang saq solah, jari sugih dalem kebajikan, demen besedekah.

IBRANI 6:10

Séngaq Allah nénten Allah saq nénten adil. Allah nénten gen lupaq napi saq sampun side pade laksaneang bagi Allah, dait kasih saq sampun side pade nyatayang tipaq peséngan-Ne sewaktu nulung dengan-dengan saq tehususang bagi Allah saq jangke mangkin masih side pade laksaneang.

YAKUB 1:27

Ibadah saq murni dait sejati menurut Allah Bapante: Nulung anak-anak iwoq dait bebalu-bebalu saq menderite, dait jagaq diriq mésaq adéq ndaq tesédaq siq dunie niki.

YAKUB 2:14

Semeton senamian! Napi manpaatne dengan bebase, “Tiang dengan saq bedowé iman,” lamun ie ndéq buktiang siq perbuatanne? Napi bau iman saq maraq nike nyelametang ie?

1 YAHYA 3:17

Lamun sopoq dengan bedowé lebih, serioq semetonne saq ndéq bedowé, laguq ndéq mélé nulung semetonne nike, berembé dengan nike bau bebase bahwe ie ngasihin Allah?

1 YAHYA 4:20

Lamun sopoq dengan bebase, “Tiang ngasihin Allah,” laguq ie ndéq ngasihin semetonne, dengan nike penduste. Séngaq dengan saq ndéq ngasihin semetonne saq ie serioq, ndéq mungkin bau ngasihin Allah saq ndéq ie serioq.