LUKAS 3:10 - KITAB SUCI ZABUR INJIL

¹⁰ Dengan-dengan nike beketuan léq Yahya, “Jari, napi saq harus tiang pade piaq?”

LUKAS 3:10 ပူးပေါင်းရင်းမြစ်များ

LUKAS 3:12

Penagih-penagih pajek éndah dateng ojok Yahya jari tebaptis. Ie pade beketuan, “Bapaq Guru, napi saq harus tiang pade piaq?”

LUKAS 3:14

Araq éndah prajurit saq beketuan, “Berembé léq tiang pade? Napi saq harus tiang pade piaq?” Jawab Yahya, “Ndaq peres sai juaq dait ndaq ngerampas képéng kadu tuduhan-tuduhan palsu. Cukupang diriqde siq gajinde!”

LUKAS 3:8

Nyatayang siq perbuatande bahwe side sampun betobat léman dose-dosende! Ndaq bebase dalem angende bahwe Ibrahim nike bapaq tiang pade. Tiang badaq side: Léman batu-batu niki éndah Allah sanggup miaqang Ibrahim keturunan.

KISAH RASUL-RASUL 16:30

Beterus ie jauq rasul-rasul nike sugul, dait bebase, “Bapaq-bapaq, napi saq harus tiang laksaneang adéq tiang teselametang?”

KISAH RASUL-RASUL 2:37

Sewaktu dengan-dengan nike dengah hal nike, angen ie pade jari osah. Terus ie pade beketuan léq Petrus dait rasul-rasul saq lainne, “Semeton-semeton, napi saq harus tiang pade piaq?”

KISAH RASUL-RASUL 2:38

Jawab Petrus, “Pade tobat léman dose-dosende. Dait side pade sopoq-sopoq harus tebaptis dalem peséngan Deside Isa Almasih, adéq dose-dosende teampunin. Make side pade gen nerimaq paice Roh Suci léman Allah.

KISAH RASUL-RASUL 9:6

Laguq mangkin side ures dait tame ojok kote. Léq derike side gen tebadaq napi saq harus side laksaneang.”