LUKAS 24:4 - KITAB SUCI ZABUR INJIL

⁴ Sewaktu ie pade kenyeke nganjeng léq derike dait bingung mikirang hal nike, selung-selung araq due dengan kadu kelambi saq putéq ngempor dateng ngerapetin ie pade.

LUKAS 24:4 ပူးပေါင်းရင်းမြစ်များ

MARKUS 16:5

Beterus ie pade tame ojok dalem makam nike. Léq dalemne léq sedi kanan, ie pade serioq sopoq dengan bajang saq ngengadu jubah putéq kenyeke melinggih, dait ie pade tinjot.

LUKAS 2:9

Selung-selung nganjeng malaékat Tuhan léq dékét ie pade, dait kemuliean Tuhan besinar menahin ie pade, dait ie pade takut gati.

LUKAS 24:5

Ie pade takut gati jangke ie pade nunduk, laguq kedue dengan nike bebase léq ie pade, “Kembéq side pade boyaq dengan saq idup léq taoq dengan ninggal?

KISAH RASUL-RASUL 1:10

Waktu ie pade masih merhatiang andang langit, sewaktu Deside Isa kerangkatan, selung-selung due dengan bekelambi putéq nganjeng léq dékét ie pade,

KISAH RASUL-RASUL 12:7

Selung-selung malaékat Tuhan nganjeng léq derike dait araq sopoq cahaye saq besinar léq dalem kamar bui nike. Malaékat nike dodoq Petrus jangke ie ngase. Beterus manik malaékat nike, “Hai, becat ures!” Waktu nike éndah ranté besi nike teriq léman ime Petrus.

1 TIMOTIUS 3:16

Ndéq araq sopoq dengan juaq saq tao nilas, berembé beléqne rahasie ibadahte: Ie saq sampun nyatayang diriq-Ne léq dalem wujut manusie, dait tenyatayang kenaq siq Roh Allah, dait tesaksiang siq pare malaékat. Beritene teumumang léq antare bangse-bangse saq ndéq kenal Allah, dait Ie tepercaye léq dalem dunie dait teangkat ojok dalem kemuliean.