LUKAS 2:4 - KITAB SUCI ZABUR INJIL

⁴ Yusup éndah berangkat léman Nazaret léq Galilea, ojok Betlehem léq Yudea, taoq Raje Daud tebijeang; séngaq Yusup keturunan Daud.

LUKAS 2:4 ပူးပေါင်းရင်းမြစ်များ

MATIUS 1:20

Sewaktu Yusup masih mikirang hal nike, Yusup ngimpi. Dalem impine nike, Yusup serioq sopoq malaékat Tuhan saq bemanik tipaq ie, “Yusup, keturunan Daud, ndaq takut bait Mariam jari seninende; séngaq kanak saq tepetianang siq Mariam nike asalne léman Roh Suci.

MATIUS 2:23

Léq derike ie ndot léq sopoq kote aranne Nazaret. Siq care nike telaksane napi saq tesampéang siq nabi-nabi mengenai Kanak nike: “Ie gen tesebut Dengan Nazaret.”

LUKAS 2:3

Keranaq nike selapuq dengan lumbar daptarang diriqne léq kotene mésaq.

LUKAS 2:5

Yusup daptarang diriqne kance Mariam tunanganne, saq kenyeke betian.

LUKAS 4:16

Deside Isa lumbar éndah ojok Nazaret, taoq Ie tebeléqang. Léq jelo Sabat maraq biasene Ie lumbar ojok balé ibadah. Deside Isa nganjeng jari bace Kitab Suci,

YAHYA 1:46

Laguq jawab Natanael, “Segerah iniq hal saq solah dateng léman Nazaret?” “Silaq serioq mésaq!” basen Pilipus.

YAHYA 7:42

Dalem Kitab Suci tetulis bahwe Almasih nike keturunan Daud dait gen rauh léman Betlehem, dése asalne Daud.”