LUKAS 2:11 - KITAB SUCI ZABUR INJIL

¹¹ Jelo niki léq kote Daud sampun tebijeang Juruselamet, Almasih, Junjungan Saq Mulie.

LUKAS 2:11 ပူးပေါင်းရင်းမြစ်များ

ZABUR 2:2

Raje-raje dunie besiep-siep dait pare penguase bemupakat ngelawan ALLAH dait ngelawan raje saq Ie piléq.

MATIUS 1:21

Mariam gen bijeang kanak mame, terus kanak nike harus side aranin Isa, séngaq Ie saq gen nyelametang umat-Ne léman dose-dose ie pade.”

MATIUS 16:16

Jawab Simon Petrus, “Pelungguh Almasih, Bije saq asalne léman Allah saq idup.”

MATIUS 16:20

Sesampun nike Deside Isa peringet pengiring-pengiring-Ne adéq ie pade ndéq bebadaq léq sai-sai bahwe Ie Almasih.

LUKAS 1:43

Sai tiang niki sehingge mamiq bini Junjungan tiang Saq Mulie rauh tipaq tiang?

LUKAS 1:69

Ie ngicanin ite penyelamet saq perkase, léman keturunan Daud, hambe-Ne.

LUKAS 2:26

dait Roh Suci sampun nyampéang léq ie bahwe ie ndéq gen ninggal sendéqman serioq Almasih saq tejanjiqang siq Tuhan.

LUKAS 2:4

Yusup éndah berangkat léman Nazaret léq Galilea, ojok Betlehem léq Yudea, taoq Raje Daud tebijeang; séngaq Yusup keturunan Daud.

YAHYA 1:41

Becat-becat Andreas boyaq Simon, semetonne, dait bebase léq ie, “Tiang pade sampun bedait kance Mesias!” (Mesias pade artine kance Almasih.)

YAHYA 1:45

Pilipus bedait kance Natanael dait bebase léq ie, “Tiang pade sampun ndait Dengan saq tesebut siq Musa léq dalem Kitab Suci Taurat, dait saq teberiteang siq nabi-nabi. Ie Deside Isa bije Yusup léman Nazaret.”

YAHYA 11:27

Jawab Marta, “Junjungan Saq Mulie, tiang percaye Pelungguh niki Almasih, Bije saq asalne léman Allah, saq gen rauh ojok dalem dunie niki.”

YAHYA 20:31

Laguq selapuqne niki tetulis, adéq side pade percaye bahwe Deside Isa nike Mesias, Bije saq asalne léman Allah, dait adéq siq percaye, side pade nerimaq idup dalem peséngan-Ne.

YAHYA 4:25

Dengan nine nike matur léq Deside Isa, “Tiang nenaoq bahwe Mesias (saq tesebut Almasih) gen rauh. Lamun Ie rauh, Ie gen nyampéang selapuq hal tipaq ite.”

YAHYA 4:42

Ie pade bebase léq dengan nine nike, “Tiang pade percaye mangkin, ndéqne lantaran napi saq side ucapang léq tiang pade, laguq lantaran tiang pade sampun dengah mésaq dait nenaoq bahwe Ie mule tetu Juruselamet dunie.”

YAHYA 6:69

Tiang pade sampun percaye dait yakin bahwe Pelungguh Saq Suci léman Allah.”

YAHYA 7:41

Saq lain bebase, “Ie niki Almasih!” Laguq araq éndah saq bebase, “Nénten, Almasih nénten rauh léman Galilea!

KISAH RASUL-RASUL 10:36

Side pade sampun nenaoq isi berite saq Allah sampéang tipaq bangse Israel. Nike Kabar Solah dait damé sejahtere langan Deside Isa Almasih, Junjungan Saq Mulie tipaq selapuq dengan.

KISAH RASUL-RASUL 13:23

Léman keturunan Daud nike Allah nyedieang tipaq bangse Israel sopoq Juruselamet, sesuai kance janji-Ne. Nike Deside Isa.

KISAH RASUL-RASUL 17:3

Siq dasar ayat-ayat Kitab Suci ie jelasang dait buktiang bahwe Almasih saq tejanjiqang siq Allah harus menderite dait teidupang malik léman ninggal. Basen Paulus, “Deside Isa saq tiang beriteang tipaq side nike, Almasih saq tejanjiqang.”

KISAH RASUL-RASUL 2:36

Keranaq nike selapuq dengan Israel harus nenaoq pacu-pacu bahwe Deside Isa saq side pade pakuq léq kayuq salib nike, Ie éndah saq sampun tejanjiqang siq Allah jari Junjungan Saq Mulie dait Almasih!”

KISAH RASUL-RASUL 5:31

Dait Allah sampun ngicanin Ie kedudukan dait kekuasean saq tinggi sebagé Pemimpin dait Juruselamet; adéq bangse Israel tebéng kesempatan jari betobat léman dose-dosene dait mauq pengampunan.

1 KORINTUS 15:47

Adam saq penembéq tejariang léman tanaq, laguq Adam saq kedue asalne léman sorge.

PILIPI 2:11

Dait selapuq biwih gen ngaku, “Deside Isa Almasih nike Junjungan Saq Mulie,” bagi kemuliean Allah, Bapante.

PILIPI 3:8

Ndéqne hal-hal nike doang; laguq malahan selapuq hal tiang anggep hal-hal saq ngerugiang doang. Saq tiang épéang mangkin niki lebih mulie: Kenal kance Deside Isa Almasih, Junjungan tiang Saq Mulie. Lantaran Almasih, make tiang sampun lepas selapuqne. Tiang anggep selapuqne nike maraq dedoro doang, adéq tiang mauq Almasih,

KOLOSE 2:6

Semeton senamian sampun nerimaq Deside Isa Almasih sebagé Tuhan. Keranaq nike side pade harus tetep idup léq dalem Ie,

1 YAHYA 4:14

Tiang pade sampun serioq Bije-Ne, dait tiang pade beriteang bahwe Ie teutus siq Bapa jari Juruselamet dunie niki.

1 YAHYA 5:1

Sebilang dengan saq percaye bahwe Deside Isa nike Almasih, dengan nike asalne léman Allah. Sai-sai saq ngasihin Allah, make ie éndah ngasihin dengan saq asalne léman Allah.