LUKAS 2:10 - KITAB SUCI ZABUR INJIL

¹⁰ Laguq malaékat nike bebase, “Ndaq takut! Séngaq tiang dateng jauq kabar solah tipaq side pade -- berite saq nyenengang gati tipaq selapuq dengan.

LUKAS 2:10 ပူးပေါင်းရင်းမြစ်များ

MATIUS 14:27

Laguq Deside Isa bemanik léq ie pade, “Tenang! Tiang niki Isa, ndaq takut!”

MATIUS 28:18

Deside Isa ngerapetin ie pade, dait bemanik, “Selapuq kuase saq araq léq sorge dait léq gumi sampun teserahang léq Tiang.

MATIUS 28:5

Malaékat nike bebase léq dengan-dengan nine nike, “Ndaq takut! Tiang taoq side pade boyaq Deside Isa saq sampun tepakuq léq kayuq salib nike.

MARKUS 1:15

Manik-Ne, “Kerajaan Allah sampun rapet. Pade tobat léman dose-dosende, dait pade percaye léq Kabar Solah saq léman Allah!”

MARKUS 16:15

Beterus Deside Isa bemanik léq ie pade, “Silaq lumbar ojok seantéro dunie dait beriteang Kabar Solah léman Allah tipaq selapuq mahluk.

LUKAS 1:13

Laguq malaékat nike bebase, “Ndaq takut, Zakaria! Allah sampun pireng do'ende. Elisabet, seninende gen bijeang sopoq kanak mame. Side harus aranin ie Yahya.

LUKAS 1:19

Jawab malaékat nike, “Tiang niki Jibril. Tiang ngelayanin Allah dait Ie saq ngutus tiang nyampéang kabar solah niki tipaq side.

LUKAS 1:30

Make malaékat nike bebase léq ie, “Ndaq takut Mariam! Séngaq side sampun mauq paice léman Allah.

LUKAS 2:11

Jelo niki léq kote Daud sampun tebijeang Juruselamet, Almasih, Junjungan Saq Mulie.

LUKAS 24:47

Dait dalem peséngan Almasih nike éndah harus tekabarang tipaq selapuq bangse mengenai pertobatan dait pengampunan dose. Berite nike harus tekabarang mulai léman Yerusalem.

LUKAS 8:1

Ndéq ngonéq sesampun nike, Deside Isa lumbar ojok kote-kote dait kampung-kampung jari beriteang Kabar Solah mengenai Kerajaan Allah. Due olas pengiring Deside Isa éndah milu ngiring Ie.

KISAH RASUL-RASUL 13:32

Jari, mangkin niki tiang pade nyampéang Kabar Solah nike tipaq side: Napi saq Allah sampun janjiqang tipaq leluhurte,

ROMA 10:15

Dait berembé dengan bau nyampéang berite mengenai Ie lamun ie pade ndéq teutus? Léq dalem Kitab Suci tetulis maraq niki, “Berembé solahne kedatengan dengan-dengan saq jauq Kabar Solah!”

EPESUS 3:8

Léq antare selapuq dengan-dengan saq tehususang bagi Allah, tiang saq paling hine. Laguq Allah ngicanin tiang rahmat niki: Tugas jari beriteang Kabar Solah tipaq dengan-dengan saq ndéq Yahudi mengenai kesugihan Almasih saq ndéq iniq bis nike;

KOLOSE 1:23

Laguq side pade harus tetep setie percaye dait teguq léq keyakinande nike. Ndaq jangke side pade ngelepas harepan saq sampun teicanin tipaq side pade sewaktu side pade nerimaq Kabar Solah léman Allah. Kabar nike sampun teberiteang tipaq sebilang dengan léq seantéro dunie. Dait lantaran hal nike juaq tiang, Paulus sampun jari pelayan.