LUKAS 17:2 - KITAB SUCI ZABUR INJIL

² Solahan lamun batu penggilingan tetaliq léq belongne terus ie tesaut ojok dalem segare ketimbang lantaran ie salaq sopoq léman dengan saq kodéq niki gawéq dose.

LUKAS 17:2 ပူးပေါင်းရင်းမြစ်များ

MATIUS 17:27

Laguq ndaq ite singgung perasaan dengan-dengan nike. Jari, silaq lumbar mancing ojok danao. Bait empaq saq penembéq side bau. Léq dalem biwih empaq nike side gen ndait képéng logam saq cukup tekadu bayah pajekte kance due. Bait képéng nike dait bayah pajekte léq ie pade.”

MATIUS 18:10

“Pade inget! Ndaq menghine salaq sopoq léman kanak-kanak kodéq niki. Tiang badaq side, malaékat-malaékat ie pade tetep araq léq arepan Bapa Tiang léq sorge. [

MATIUS 18:14

Maraq nike éndah Bapa side saq léq sorge, nénten kayun salaq sopoq léman kanak-kanak niki telang.”

MATIUS 26:24

Mule Bije Manusie gen ninggal maraq saq tetulis léq Kitab Suci. Laguq celake gati dengan saq behianat léq Bije Manusie nike! Solahan dengan nike ndéq tebijeang!”

MARKUS 9:42

“Sai-sai saq jari penyebap salaq sopoq léman kanak-kanak kodéq saq percaye léq Tiang niki bedose, solahan lamun batu penggilingan tetaliq léq belongne, dait ie tetetéh ojok dalem segare.

YAHYA 21:15

Sesampun ie pade bekelor, Deside Isa bemanik léq Simon Petrus, “Simon bije Yahya, napi side lebih ngasihin Tiang lebihan léman ie pade?” “Nggih, Junjungan Saq Mulie,” jawab Petrus, “Pelungguh wikan tiang ngasihin Pelungguh.” Deside Isa bemanik léq ie, “Peliharaq dombe-dombe Tiang!”

1 KORINTUS 9:15

Laguq sopoq juaq léman hak nike ndéq uwah tiang kadu. Dait tiang nulis surat niki éndah ndéqne bedowé maksut adéqne hal nike saq telaksaneang léq tiang mangkin. Bagusan tiang maté ketimbang hal saq tiang banggeang nike telang.

1 KORINTUS 9:22

Léq tengaq-tengaq dengan-dengan saq keyakinanne ndéq kuat, tiang éndah piaq diriq tiang maraq sopoq dengan saq ndéq kuat keyakinanne, adéq tiang bau jauq ie pade jari pengiring Almasih. Singketne, tiang jari selapuq-lapuqne tipaq selapuq dengan adéq tiang bau nyelametang seluwéq-luwéqne léman ie pade.