LUKAS 16:9 - KITAB SUCI ZABUR INJIL

⁹ Tiang badaq side: Manpaatang kesugihan dunie niki jari mauq sahabat, adéq lamun kesugihan dunie niki sampun ndéq bau nulung malik, side pade gen teterimaq léq balé saq kekel.

LUKAS 16:9 ပူးပေါင်းရင်းမြစ်များ

ZABUR 73:26

Timaq jiwe dait awak kaji jari lemah, Deside kekuatan kaji, ya Allah; cume Deside doang saq kaji épéang selaéq-laéqne.

MATIUS 19:21

Deside Isa bemanik léq terune nike, “Lamun side mélé jari sempurne, lumbar, jual selapuq dowénde. Béng képéngne tipaq dengan-dengan miskin, make side gen mauq harte léq sorge. Sesampun nike side dateng turut Tiang!”

MATIUS 6:19

“Ndaq ngumpulang harte umaq diriqde léq gumi; léq gumi temeréné dait karat gen nyenyédaq dait maling gen dateng paling harte nike.

MATIUS 6:24

“Ndéq araq sopoq dengan juaq saq bau begawéan léq due majikan. Séngaq lamun maraq nike ie gen meriq léq saq sopoq dait ngasihin saq lain, atao ie gen setie léq saq sopoq dait ndéq gen merhatiang saq lain. Maraq nike éndah halne side pade; side pade ndéq bau begawéan tipaq Allah dait tipaq dowé bande éndah.

LUKAS 11:41

Saq araq léq dalem piring jembungde nike, nike saq harus side pade béng ojok dengan-dengan miskin. Siq care nike, selapuqne gen jari bersi umaq side.

LUKAS 12:33

Jual dowénde dait sedekahang képéngne tipaq dengan miskin. Piaqang diriqde dompét saq ndéq iniq séde, nike harte saq tesimpen léq sorge. Harte nike ndéq iniq telang séngaq maling ndéq bau bait dait tembréné ndéq bau nyenyédaq.

LUKAS 14:14

Side gen bahagie, séngaq dengan-dengan nike ndéq gen mauq bales kesolahande. Kesolahande gen tebales siq Allah léq waktu dengan-dengan saq soléh teidupang malik léman ninggal.”

LUKAS 16:11

Jari lamun dalem hal kesugihan dunie niki side sampun ndéq bau tesaduq malik, sai saq mélé percayeang tipaq side kesugihan saq sejati?

LUKAS 16:13

Ndéq araq dengan saq tao begawéan léq due majikan; séngaq lamun maraq nike ie gen meriq léq saq sopoq dait ngasihin saq lain, atao ie gen setie léq saq sopoq dait ndéq gen merhatiang saq lain. Maraq nike éndah halne side pade; side pade ndéq bau begawéan tipaq Allah dait tipaq dowé bande éndah.”

LUKAS 16:4

Tiang araq akal adéq lamun tiang tepengkah, araq dengan saq mélé nerimaq tiang léq baléne!’

KISAH RASUL-RASUL 10:31

Ie bemanik, ‘Kornelius, Allah sampun nerimaq do'ende dait iling léq kemurahan aténde.

KISAH RASUL-RASUL 10:4

Siq rase takut Kornelius perhatiang malaékat nike terus bebase, “Araq napi Bapaq?” Jawab malaékat nike, “Selapuq do'e dait kemurahan aténde nike sampun teterimaq siq Allah dait Allah iling léq side.

2 KORINTUS 4:17

Dait penderitean saq déang niki saq tiang pade alamin sementare, gen ngasilang sopoq kemuliean saq beléq dait kekel. Kemuliean nike beléqan lamun tebanding siq penderitean nike.

YUDAS 1:21

dait tetep idup léq bawaq pengasihan Allah sengonéq side pade ngantos rahmat Deside Isa Almasih Junjungante Saq Mulie, saq gen ngicanin side idup sejati dait kekel.