LUKAS 16:2 - KITAB SUCI ZABUR INJIL

² Empohne bendahare nike dait bebase léq ie, ‘Napi niki laporan saq tiang dengah mengenai side? Mangkin, serahang léq tiang laporan saq lengkap mengenai tugasde ngurus kesugihan tiang. Side ndéq bau malik jari bendahare tiang.’

LUKAS 16:2 ပူးပေါင်းရင်းမြစ်များ

MATIUS 12:36

Laguq Tiang badaq side: Léq jelo Penghakiman éraq, sebilang dengan harus betanggung jawab léq ucapan-ucapanne saq ndéq araq manpaatne.

MATIUS 20:8

Léq waktu serep jelo, épén dowé kebon anggur nike bebase léq mandorne, ‘Empoh buruh-buruh nike, dait bayah gajine sopoq-sopoq, mulai léman buruh saq paling mudi begawéan jangke saq paling julu begawéan.’

LUKAS 12:20

Laguq Allah bemanik léq ie, ‘Hai dengan bodo! Kelem niki éndah side gen maté, terus sai saq gen mauq selapuq kesugihan saq sampun side kumpulang umaq diriqde nike?’

LUKAS 12:42

Jawab Junjungan Saq Mulie, “Sai pelayan saq setie dait bijaksane sehingge teangkat siq majikanne jari kepale tipaq pelayan-pelayan lain, adéq ie béng ie pade bekelor lamun sampun wayene?

LUKAS 16:1

Deside Isa bemanik léq pengiring-pengiring-Ne, “Araq sopoq dengan sugih bedowé sopoq bendahare jari ngurus selapuq kesugihanne. Dengan sugih nike dengah laporan bahwe bendaharene nike ngambur-amburang képéngne.

LUKAS 16:3

Jari bendahare nike mikir, ‘Napi saq harus tiang piaq mangkin? Majikan tiang mélé pengkah tiang. Nambah tiang ndéq tao, jari tukang mekir, tiang ilaq.

ROMA 14:12

Jari, ite sopoq-sopoq harus betanggung jawab léq selapuq perbuatante tipaq Allah.

1 KORINTUS 1:11

Séngaq, dengan-dengan léman keluarge Kloe ngelaporang tipaq tiang bahwe araq pegejuhan léq antare side.

1 KORINTUS 4:2

Saq pertame-tame tetuntut léman pelayan saq maraq nike, bahwe ie setie léq majikanne.

1 KORINTUS 4:5

Keranaq nike, ndaq side pade becat-becat nentuang bahwe sopoq dengan salaq atao ndéq, séngaq ndéqman waktune. Antih jangke Tuhan rauh éraq. Ie saq gen bukaq selapuq rahasie-rahasie saq teseboq léq dalem peteng. Ie saq gen bungkar selapuq niat saq araq léq dalem até manusie. Léq waktu nike baruq sebilang dengan nerimaq pujian léman Allah maraq saq patut ie terimaq.

2 KORINTUS 5:10

Séngaq pasti ite selapuq gen tejauq ojok arepan pengadilan Almasih, dait sopoq-sopoq gen mauq balesan sesuai kance perbuatanne léq dunie niki -- perbuatan solah atao jahat.

1 TIMOTIUS 4:14

Ndaq side lupaq ngengadu paice léman Roh Allah saq teicanin tipaq side siq nubuat sewaktu pemimpin-pemimpin jemaah noloq imene léq atas ulunde.

1 TIMOTIUS 5:24

Dose separo dengan sendéqman teadilin sampun penggitan secare jelas. Laguq dose dengan lain baruq tetaoq sesampun teadilin.

1 PETRUS 4:10

Sebagé pengurus saq setie léman rahmat Allah, side pade sopoq-sopoq harus kadu paice saq sampun side pade terimaq jari kepentingan side bareng-bareng.

1 PETRUS 4:5

Laguq éraq ie pade harus bejawab tipaq Allah saq sampun siep ngadilin dengan saq idup dait saq ninggal.

WAHYU 20:12

Dait tiang serioq dengan-dengan ninggal, beléq dait kodéq, nganjeng léq arepan tahte nike. Make kitab-kitab tebukaq. Terus sopoq kitab saq lain tebukaq éndah, nike kitab kehidupan. Beterus hukuman tetimpeang tipaq dengan-dengan saq ninggal, setimpal kance perbuatan ie pade maraq saq tecatet léq dalem kitab-kitab nike.