LUKAS 15:3 - KITAB SUCI ZABUR INJIL

³ Keranaq nike Deside Isa nyeriteang perumpamean niki léq ie pade,

LUKAS 15:3 ပူးပေါင်းရင်းမြစ်များ

MATIUS 10:6

Laguq lumbar ojok dengan-dengan Israel, terutame tipaq dengan-dengan saq sesat.

MATIUS 13:3

Beterus Deside Isa mulai ngajahang luwéq hal léq dengan-dengan nike kadu perumpamean. Deside Isa bemanik, “Araq sopoq dengan lumbar sawur binéq

MATIUS 9:13

Silaq lumbar dait perajahin napi artine ayat Kitab Suci niki: ‘Tiang mélé belas kasihan, ndéqne kurban binatang’. Séngaq Tiang dateng ndéqne jari ngempoh dengan-dengan saq nganggep diriqne sampun kenaq, laguq dengan-dengan saq bedose.”

LUKAS 15:2

Dengan-dengan Parisi dait ahli-ahli Taurat mulai ngerumun. Ie pade bebase, “Dengan niki nerimaq dengan-dengan saq bedose dait malahan bareng medaran kance ie pade!”

LUKAS 15:4

“Lamun salaq sopoq léman side pade bedowé satus dombe, terus ie kélangan sopoq -- napi saq gen ie piaq? Pasti ie gen bilin dombe saq siwaq pulu siwaq nike léq lendang pupaq, dait lumbar boyaq saq telang nike jangke kendaitan.

YAHYA 21:16

Saq kedue kaline Deside Isa bemanik léq ie, “Simon bije Yahya, napi side ngasihin Tiang?” “Nggih, Junjungan Saq Mulie,” jawab Petrus, “Pelungguh wikan tiang ngasihin Pelungguh.” Deside Isa bemanik léq ie, “Peliharaq dombe-dombe Tiang.”

KISAH RASUL-RASUL 21:20

Sesampun dengah cerite Paulus nike, ie pade selapuq mulieang Allah. Beterus bebase léq Paulus, “Semeton tiang Paulus, side harus nenaoq bahwe sampun beiyu-iyu dengan Yahudi saq percaye léq Deside Isa. Selapuqne nike dengan-dengan saq setie dait taat léq Hukum Taurat.