LUKAS 13:16 - KITAB SUCI ZABUR INJIL

¹⁶ Nah, léq deriki mangkin araq sopoq dengan nine keturunan Ibrahim, saq sampun baluq olas taun tekuasein siq Belis. Napi ndéq kanggo tebébasang léman kuase nike léq jelo Sabat?”

LUKAS 13:16 ပူးပေါင်းရင်းမြစ်များ

ZABUR 107:14

Ie gadingang ie pade sugul léman peteng, dait molakang ranté besi ie pade.

MATIUS 4:10

Jawab Deside Isa, “Nyedi hai Belis! Léq Kitab Suci araq tetulis: Pade sembah Allah, Tuhan side dait tipaq Ie doang side beribadah!”

MARKUS 2:27

Beterus Deside Isa bemanik malik, “Jelo Sabat tepiaq umaq manusie; ndéqne manusie umaq jelo Sabat.

LUKAS 16:24

‘Bapaq Ibrahim!’ basen dengan sugih nike. ‘Periakang tiang! Suruq Lazarus tamaq ranggotne ojok dalem aiq terus dateng basaqang élaq tiang. Tiang sengsare gati léq dalem api niki!’

LUKAS 19:9

Deside Isa bemanik léq Zakeus, “Léq jelo niki keselametan sampun rauh léq keluarge niki, séngaq ie éndah keturunan Ibrahim.

LUKAS 3:8

Nyatayang siq perbuatande bahwe side sampun betobat léman dose-dosende! Ndaq bebase dalem angende bahwe Ibrahim nike bapaq tiang pade. Tiang badaq side: Léman batu-batu niki éndah Allah sanggup miaqang Ibrahim keturunan.

YAHYA 8:44

Belis nike saq jari bapaqde, dait side pade mélé turut keméléq bapaqde. Léman penembéqne Belis nike tukang nyematéq. Ie ndéq uwah béle kebenaran, séngaq ndéq araq kebenaran léq dalem diriqne. Lamun ie beduste nike hal saq biase, séngaq mule nike sipatne. Ie mule penduste dait sumber segale macem duste.

KISAH RASUL-RASUL 13:26

Semeton-semeton keturunan Ibrahim, dait side pade selapuq saq lainne léq deriki saq takut léq Allah! Allah sampun ngirim tipaq ite berite keselametan nike;

2 TIMOTIUS 2:26

Siq care nike ie pade jari sadar malik, dait lepas léman kuase Belis saq sampun jeret ie pade dait maksaq ie pade turut keméléqne.