LUKAS 13:11 - KITAB SUCI ZABUR INJIL

¹¹ Léq derike araq sopoq dengan nine saq sampun baluq olas taun ngonéqne sakit, séngaq araq roh jahat léq dalem diriqne. Dengan nine nike bongkok dait tetu-tetu ndéq tao panjeng.

LUKAS 13:11 ပူးပေါင်းရင်းမြစ်များ

ZABUR 145:14

ALLAH nulung dengan saq kenyeke susah, Ie panjengang dengan-dengan saq nunduk.

ZABUR 146:8

dait miaq dengan bute tao nyerioq. Ie panjengang dengan saq nunduk, dait ngasihin dengan saq kenaq.

ZABUR 38:6

Bakat-bakat léq awak kaji benanaq dait ambune bais, lantaran kaji sampun jari bodo gati.

ZABUR 42:5

Angen tiang sedih lamun inget waktu saq laéq, sewaktu tiang lampaq ojok Gedéng Allah. Bareng kance dengan luwéq saq ngaraqang perayaan. Tiang lampaq léq julun arak-arakan siq surak-surakan dait lagu pujian.

ZABUR 6:2

Ya ALLAH, sampunang empuk kaji léq dalem murke Deside, sampunang hukum kaji léq tengaq kemenggahan Deside.

MATIUS 4:23

Léq Galilea Deside Isa bemargi ojok selapuq wilayah negeri; Ie ngajahang léq balé-balé ibadah dait nyampéang Kabar Solah mengenai Kerajaan Allah. Deside Isa nyelahang dengan-dengan saq ngidap segale macem penyakit dait saq awakne cacat.

MARKUS 9:21

Terus Deside Isa beketuan léq amaq kanak nike, “Sampun pire ngonéq ie maraq niki?” “Léman ie masih kodéq!” jawab amaqne.

LUKAS 13:12

Sewaktu Deside Isa cingakin dengan nine nike, Deside Isa bemanik léq ie, “Inaq, penyakitde sampun selah!”

LUKAS 13:16

Nah, léq deriki mangkin araq sopoq dengan nine keturunan Ibrahim, saq sampun baluq olas taun tekuasein siq Belis. Napi ndéq kanggo tebébasang léman kuase nike léq jelo Sabat?”

LUKAS 21:28

Lamun hal-hal nike mulai telaksane, pade ures dait petitoqang muende, séngaq ndéq ngonéq malik side pade gen teselametang.”

LUKAS 8:2

Maraq nike éndah pire dengan nine saq sampun teselahang léman kuase roh jahat dait penyakit. Aran dengan-dengan nine nike, Mariam saq tesebut Magdalena (saq tebébasang léman pituq roh jahat);

LUKAS 8:27

Sewaktu Deside Isa turun ojok darat, Ie tedatengin sopoq dengan mame saq tekuasein siq sétan. Dengan nike léman kote. Sampun ngonéq ie ndéq bekelambi dait ndéq mélé ndot léq balé. Ie cume mélé ndot léq goe-goe taoq ngubur jenazah.

LUKAS 8:43

Araq sopoq dengan nine saq sampun due olas taun sakit pendarahan dait ndéq bau teselahang siq sai-sai.

KISAH RASUL-RASUL 3:2

Léq derike, léq jebak saq tesebut, “Lawang Solah”, araq sopoq dengan mame saq képaq léman tebijeang. Sebilang jelo dengan nike tejauq ojok derike jari mekir léq dengan-dengan saq tame ojok Gedéng Allah.

KISAH RASUL-RASUL 4:22

Dengan saq teselahang siq muqjizat nike sampun petang dase taun lebih umurne.