LUKAS 11:9 - KITAB SUCI ZABUR INJIL

⁹ Keranaq nike Tiang badaq side: Pade tunas, make side pade gen nerimaq. Pade boyaq, make side pade gen mauq. Pade ketok lawang, make side pade gen tebukaqang lawang.

LUKAS 11:9 ပူးပေါင်းရင်းမြစ်များ

ZABUR 118:5

Léq waktu tiang susah, tiang bekuih tipaq ALLAH ; beterus Ie jawab dait bébasang tiang.

ZABUR 27:4

Sopoq hal saq sampun tiang tunas léq ALLAH, cume nike saq tiang melétang: Ndot léq Gedéng ALLAH seumur idup tiang, jari ngeraseang kesolahan ALLAH dait nunas bimbingan-Ne.

ZABUR 27:8

Deside bemanik, “Dateng sembah Tiang.” Kaji bejawab, “Kaji aru parek, ya ALLAH ;

ZABUR 34:10

Pade takut léq ALLAH, hai side umat-Ne, séngaq dengan saq takut léq ALLAH ndéq gen kekurangan.

ZABUR 34:4

Mulieang ALLAH bareng tiang, silaq bareng-bareng mulieang peséngan-Ne.

ZABUR 50:15

Pade bekuih tipaq Tiang léq waktu kebucuq, Tiang gen bébasang side, dait side gen mulieang Tiang.”

MATIUS 21:22

Dait napi juaq saq side pade tunas dalem do'e, side pade gen nerimaq ie asal side pade percaye.”

MATIUS 21:31

Nah, léq antare kedue bije nike, saq mbé ngelaksaneang keméléq bapaqne?” “Saq sengake,” jawab ie pade. Terus Deside Isa bemanik malik léq ie pade, “Tiang badaq side, setetune penagih-penagih pajek dait dengan-dengan nine pelacur gen juluan tame Kerajaan Allah ketimbang side pade.

MATIUS 6:29

laguq Tiang badaq side: Nabi Sulaiman timaq ie sugih gati, ndéq ngengadu kelambi saq solahne maraq kembang-kembang nike!

MARKUS 11:24

Keranaq nike Tiang badaq side pade: Napi juaq saq side pade tunas dalem do'e, pade percaye bahwe Allah sampun ngicanin side pade napi saq side pade tunas, make side pade gen nerimaq ie.

MARKUS 13:37

Napi saq Tiang sampéang léq side niki, Tiang sampéang éndah léq selapuq dengan: Pade bejage-jage!”

LUKAS 11:10

Séngaq dengan saq nunas gen nerimaq; dengan saq boyaq gen mauq; dait dengan saq ketok lawang, gen tebukaqang lawang.

YAHYA 14:13

Dait napi-napi saq side pade tunas kadu aran Tiang, gen Tiang laksaneang, adéq Bapa temulieang langan Bije.

YAHYA 15:16

Ndéq side pade saq miléq Tiang. Laguq Tiang saq miléq side pade dait Tiang sampun netepang side pade lumbar dait ngasilang buaq dait buaqde nike ndéq iniq binase, adéq napi saq side tunas tipaq Bapa kadu aran Tiang, icanin-Ne tipaq side.

YAHYA 15:7

Lamun side pade ndot léq dalem Tiang dait manik Tiang ndot léq dalem side, pade tunas napi juaq saq side mélé, dait side gen nerimaq ie.

YAHYA 4:10

Jawab Deside Isa, “Lamun side nenaoq paice Allah dait sai saq tunas aiq inem léq side, pasti side mésaq gen tunas aiq inem léq Ie, dait Ie gen béng side aiq idup.”

ROMA 2:7

Allah ngicanin idup sejati dait kekel tipaq ie pade saq pacu-pacu ngelaksaneang napi saq solah, adéq ie mauq saq mulie dait saq terhomat, dait saq kekel.

2 KORINTUS 6:2

Léq Kitab Suci, Allah bemanik, “Léq waktu Tiang seneng, Tiang sampun dengahang side, dait léq jelo penyelametan, Tiang sampun nulung side.” Mangkin niki waktune Allah seneng, mangkin niki jelo penyelametan nike!

IBRANI 11:6

Laguq lamun ndéq bedowé iman ndéqne mungkin dengan bau nyenengang Allah. Séngaq dengan saq parek tipaq Allah harus percaye bahwe Allah araq, dait bahwe Allah ngicanin upaq tipaq dengan saq pacu-pacu boyaq Ie.

IBRANI 4:16

Keranaq nike, silaq ite baniang diriq parek ojok tahte paice-Ne adéq mauq rahmat dait paice, sehingge ite mauq pertulungan léq waktune.

YAKUB 1:5

Lamun araq sopoq dengan léq antare side saq kekurangan hikmat, ie harus tunas léman Allah, make Allah gen ngicanin ie; séngaq léq sebilang dengan, Allah ngicanin secare murah até dait nénten ngungkit-ngungkit kesalaqanne.

YAKUB 5:15

Do'e saq asalne léman iman gen nyelametang dengan sakit nike dait Tuhan gen nyelahang ie; dait lamun ie sampun piaq dose, make dosene nike gen teampunin.

1 YAHYA 3:22

Dait napi saq ite tunas léman Ie, ite gen nerimaq, séngaq ite taat léq préntah-préntah-Ne dait ite ngelaksaneang napi saq nyenengang Ie.

WAHYU 2:24

Laguq side pade saq lainne léq Tiatira ndéq turut pengajahan saq jahat nike, dait ndéq berajah ilmu-ilmu Belis. Tiang bemanik bahwe Tiang ndéq gen ngeromboqang bandean saq lain léq side pade.