LUKAS 11:4 - KITAB SUCI ZABUR INJIL

⁴ dait ampunin dose tiang pade, séngaq tiang pade éndah ngampunin dengan saq salaq tipaq tiang pade; dait sampunang gadingang tiang pade ojok dalem cobe.’ ”

LUKAS 11:4 ပူးပေါင်းရင်းမြစ်များ

ZABUR 121:7

ALLAH gen ngelindungin side léman bahaye, Ie jagaq side adéq idupde selamet.

ZABUR 25:11

Ya ALLAH, ampunin kaji sesuai kance janji Deside, séngaq kesalaqan kaji beléq.

ZABUR 25:18

Perhatiang sengsare dait kesulitan kaji, dait ampunin selapuq dose kaji.

MATIUS 18:35

Ahirne Deside Isa nutuqang cerite-Ne siq manik niki, “Maraq nike éndah side pade sopoq-sopoq gen teperlakuang siq Bapa Tiang léq sorge, lamun side pade ndéq ihlas ngampunin baturde.”

MATIUS 26:41

Bejage-jage dait bedo'e, adéq side pade ndéq ngalamin cobe. Mule roh side mélé ngelaksaneang saq kenaq, laguq side pade ndéq sanggup séngaq awakde nike lemah.”

LUKAS 11:5

Beterus Deside Isa bemanik léq pengiring-pengiring-Ne, “Lamun araq sopoq dengan léq antare side pade lumbar ojok balén baturne léq tengaq kelem, dait bebase, ‘Semeton, béng tiang singgaq telu ruti,

LUKAS 13:4

Berembé dengan saq baluq olas saq ninggal éndah sewaktu ie pade tetimpe siq menare léq Siloam? Side pade paran nike buktine ie pade beléqan dosene tebanding selapuq dengan-dengan lain saq ndot léq Yerusalem?

LUKAS 22:46

Terus Ie bemanik léq ie pade, “Kembéq side pade tindoq? Pade ures dait bedo'e adéq side pade ndéq ngalamin cobe.”

LUKAS 8:13

Binéq saq geriq léq taoq saq bebatu-batu ibarat dengan saq sewaktu dengah manik nike, nerimaq siq seneng angenne. Laguq manik nike ndéq berakah léq até ie pade. Ie pade percaye seberaq doang, dait léq waktu dateng cobe, ie pade murtat.

YAHYA 17:15

Tiang nénten tunas adéq Deside bait ie pade léman dunie niki, laguq Tiang tunas adéq Deside jagaq ie pade léman saq jahat.

1 KORINTUS 10:13

Sebilang cobe saq side alamin, nike cobe saq biase tealamin siq manusie. Laguq Allah setie léq janji-Ne. Ie nénten gen menengang side tecobe lebihan léman kekuatande. Léq waktu side tetimpe siq cobe, Ie gen ngicanin side langan sehingge side bau nahen cobe nike.

KOLOSE 3:13

Side pade harus sabar sopoq kance saq lainne, dait saling ngampunin lamun araq saq dendem tipaq saq lain. Pade maraq Tuhan sampun ngampunin side pade, jari side pade éndah harus mélé saling ngampunin sopoq kance saq lain.

2 TESALONIKA 3:3

Laguq Tuhan setie. Ie gen neguqang aténde dait ngelindungin side pade léman saq jahat.

2 TIMOTIUS 4:18

Mule Tuhan gen bébasang tiang léman selapuq niat dengan saq jahat, dait Ie gen gadingang tiang selamet jangke tame ojok Kerajaan-Ne léq sorge. Bagi Tuhan kemuliean selaéq-laéqne! Amin.

YAKUB 2:13

Séngaq bagi dengan saq ndéq nyatayang belas kasihan, hukumanne ndéq gen kadu belas kasihan éndah, laguq dengan saq bedowé belas kasihan ndéq gen takut ngadepin penghakiman!

WAHYU 2:10

Ndaq takut léq penderitean saq ndéq pire ngonéq malik side gen alamin. Inget, Belis gen namaqang separo léman side pade ojok dalem bui jari cobe side pade. Side pade gen menderite sepulu jelo ngonéqne. Side pade harus setie léq Tiang jangke ninggal, make Tiang gen ngicanin side mahkote kehidupan.

WAHYU 3:10

Séngaq side pade sampun turut manik Tiang adéq tetep tekun, Tiang éndah gen ngelindungin side pade léman jaman kesusahan saq gen nimpe seantéro dunie. Hal nike gen telaksane jari cobe selapuq dengan léq gumi.