LUKAS 11:39 - KITAB SUCI ZABUR INJIL

³⁹ Keranaq nike Deside Isa, Junjungan Saq Mulie bemanik léq ie, “Mule side pade dengan-dengan Parisi biasene persiq jembung dait piring bagian luahne, laguq léq dalem diriqde mésaq penoq secare pakse dait serakah.

LUKAS 11:39 ပူးပေါင်းရင်းမြစ်များ

YAKUB 4:8

Rapetang diriqde léq Allah, dait Allah éndah gen ngerapetin side pade. Persiq imende, side pade saq bedose! Dait suciang aténde, side pade saq due angen!

TITUS 1:15

Selapuq-lapuqne suci umaq dengan-dengan saq suci. Laguq umaq dengan-dengan saq kotor pikiranne dait saq ndéq beriman, ndéq araq napi juaq saq suci, séngaq pikiran dait até nurani ie pade sampun kotor!

KISAH RASUL-RASUL 5:3

Make Petrus bebase léq ie, “Ananias, kembéq side alurang Belis nguasein aténde, jangke side bani beduste léq Roh Suci, secare tedoq-tedoq nahen separo képéng hasil jual tanaq nike umaq diriqde mésaq?

MATIUS 15:19

Séngaq léman até timbul pikiran-pikiran jahat, saq jari penyebab dengan nyematéq, bezinah, gawéq perbuatan saq cabul, memaling, ngebéng kesaksian palsu dait pitnah.

MATIUS 7:15

“Onyaq-onyaq tipaq nabi-nabi palsu. Ie pade dateng tipaq side pade nyamar maraq dombe, laguq ie pade setetune maraq serigale saq buas.

GALATIA 1:14

Dalem hal ngelaksaneang agame Yahudi, tiang lebihan tebanding kance dengan Yahudi lainne saq anjar-anjar tiang. Tiang semanget gati léq hal-hal mengenai adat istiadat leluhur tiang pade.

YAHYA 12:6

Yudas bebase maraq nike ndéqne lantaran ie merhatiang dengan miskin, laguq lantaran ie pemalingan. Ie kereng bait képéng kas saq tesimpen léq ie.

LUKAS 16:15

Laguq Deside Isa bemanik léq ie pade, “Side pekenaq diriqde léq julun dengan lain, laguq Allah wikan angende. Séngaq napi saq teagung-agungang siq manusie, temeriq siq Allah.

LUKAS 7:13

Sewaktu Deside Isa, Junjungan Saq Mulie cingakin bebalu nike, Ie periak léq bebalu nike terus bemanik, “Inaq, ndaq nangis!”

ZABUR 22:13

Maraq banténg saq luwéq, musuh keriwung kaji, maraq banténg gamang léman Basan ie pade ngepung kaji.

2 TIMOTIUS 3:5

Timaq secare lahiriah, ie pade taat ngelaksaneang ibadah, laguq ndéqne nerimaq kekuatan léman agame nike. Ndaq rapet kance dengan-dengan saq maraq nike.

YAHYA 13:2

Sewaktu Deside Isa dait pengiring-pengiring-Ne kenyeke medaran, Belis sampun tamaqang niat léq dalem até Yudas bije Simon Iskariot jari behianat léq Deside Isa.

LUKAS 7:19

terus ngutus ie pade lumbar ojok Junjungan Saq Mulie Deside Isa jari metakén, “Napi Pelungguh dengan saq gen rauh menurut janji Allah, atao tiang pade harus ngantih dengan saq lainan?”