LUKAS 11:2 - KITAB SUCI ZABUR INJIL

² Make Deside Isa bemanik léq ie pade, “Lamun side bedo'e, ucapang maraq niki, ‘Bapa, tesuciang peséngan Deside. Rauhang Kerajaan Deside.

LUKAS 11:2 ပူးပေါင်းရင်းမြစ်များ

ZABUR 103:20

Pade puji ALLAH, hai malaékat-malaékat-Ne saq perkase, saq dengahang dait ngelaksaneang manik-Ne.

ZABUR 108:5

Séngaq kasih Deside beléq jangke dateng langit, dait kesetiean Deside jangke dateng awan.

ZABUR 11:4

ALLAH araq léq Gedéng-Ne saq suci, tahte-Ne araq léq sorge. Ie merhatiang umat manusie dait wikan selapuq perbuatan ie pade.

ZABUR 57:11

Séngaq kasih Deside beléq jangke dateng langit, dait kesetiean Deside jangke dateng awan.

MATIUS 10:32

“Sai-sai saq ngakuq léq julun dengan luwéq bahwe ie pengiring Tiang, Tiang éndah gen ngakuq ie léq arepan Bapa Tiang léq sorge.

MATIUS 3:2

“Pade tobat léman dose-dosende, séngaq Kerajaan Sorge sampun rapet!”

MATIUS 5:16

Maraq nike éndah cahayende harus besinar léq julu dengan, adéq ie pade serioq perbuatan-perbuatande saq solah, terus ie pade mulieang Bapa side léq sorge.”

LUKAS 11:1

Léq sopoq jelo Deside Isa bedo'e léq sopoq taoq. Sesampun Ie inggas bedo'e, salaq sopoq léman pengiring-pengiring-Ne matur, “Junjungan Saq Mulie, tunas Pelungguh ajahang tiang pade bedo'e maraq Yahya ngajahang pengiring-pengiringne bedo'e.”

ROMA 1:7

Nike lantaranne tiang nulis tipaq side pade. Semoge Allah Bapante dait Junjungante Saq Mulie Deside Isa Almasih, ngicanin rahmat dait damé sejahtere tipaq side pade.

ROMA 8:15

Séngaq Roh saq teicanin siq Allah tipaq side pade, ndéq gen miaq side jari hambe sehingge side pade idup dalem ketakutan, laguq Roh Allah nike jariang side bije-bije dowén Allah. Dait siq kuase Roh Allah nike ite bau nyebut Allah nike, “Bapa, ya Bapa!”

2 KORINTUS 1:2

beharep semoge Allah Bapante dait Junjungan Saq Mulie, Deside Isa Almasih ngicanin rahmat dait damé sejahtere tipaq side pade.

GALATIA 1:4

Taat léq pekayunan Allah Bapante, Almasih nyerahang diriq-Ne jari kurban demi dose-dosente, adéq ite teselametang léman jaman saq jahat niki.

EPESUS 1:2

Tiang, Paulus, siq pekayunan Allah jari rasul Deside Isa Almasih, beharep semoge Allah Bapante dait Junjungan Saq Mulie Deside Isa Almasih ngicanin rahmat dait damé sejahtere tipaq side pade.

PILIPI 1:2

rahmat dait sejahtere léman Allah, Bapante, dait Junjungan Saq Mulie Deside Isa Almasih araq bareng kance side pade.

PILIPI 4:20

Temulieang Allah Bapante selaéq-laéqne! Amin.

1 TESALONIKA 1:1

Semeton senamian jemaah léq Tesalonika, saq jari dengan-dengan saq tehususang bagi Allah Bapa dait Junjungan Saq Mulie Deside Isa Almasih! Tiang pade Paulus, Silas dait Timotius beharep semoge Allah ngicanin side pade rahmat dait damé sejahtere.

2 TESALONIKA 2:16

Semoge Ie, Junjungante Saq Mulie Deside Isa Almasih, dait Allah, Bapante, saq léq dalem rahmat-Ne sampun ngasihin ite dait sampun ngicanin penghiburan saq kekel dait pengharepan saq solah tipaq ite,

WAHYU 11:15

Beterus malaékat kepituq niup terompétne, make léq sorge kedengahan suare-suare saq beléq gati saq bebase, “Kerajaan dunie sampun jari kerajaan Tuhante dait kerajaan Almasih. Ie gen mréntah jangke selaéq-laéqne.”

WAHYU 15:4

Sai saq nénten takut léq Deside, ya Tuhan? Sai saq nénten kayun mulieang peséngan Deside? Deside doang saq suci. Selapuq bangse gen parek nyembah Deside lantaran keadilan Deside sampun tenyatayang tipaq selapuq dengan.”

WAHYU 19:6

Sesampun nike tiang dengah maraq suare sekumpulan dengan saq luwéq gati; suarene maraq umbak saq beléq dait maraq guntur. Tiang dengah suare ie pade, “Pade mulieang Allah! Séngaq Tuhante, Allah Saq Mahekuase nike, mangkin sampun mréntah jari raje!

WAHYU 20:4

Beterus tiang serioq tahte-tahte, dait dengan-dengan saq tokol léq tahte-tahte nike teicanin kuase jari mutusang hukuman. Tiang serioq éndah jiwe-jiwe dengan-dengan saq sampun tepeleng belongne lantaran ie pade ngebéng kesaksian mengenai Deside Isa, dait nyampéang Manik Allah. Dengan-dengan nike ndéq nyembah binatang, atao tetatone. Ie pade ndéq uwah nerimaq tande binatang nike léq telakar dait léq ime ie pade. Make ie pade idup malik dait mréntah jari raje bareng Almasih siyu taun ngonéqne.