LUKAS 11:1 - KITAB SUCI ZABUR INJIL

¹ Léq sopoq jelo Deside Isa bedo'e léq sopoq taoq. Sesampun Ie inggas bedo'e, salaq sopoq léman pengiring-pengiring-Ne matur, “Junjungan Saq Mulie, tunas Pelungguh ajahang tiang pade bedo'e maraq Yahya ngajahang pengiring-pengiringne bedo'e.”

LUKAS 11:1 ပူးပေါင်းရင်းမြစ်များ

ZABUR 10:17

Ya ALLAH, Deside mirengang do'e dengan hine dait neguqang até ie pade.

ZABUR 19:14

Jaoqang kaji léman dose saq tesediah, sampunang menengang kaji tekuasein siq dose nike. Make kaji jari nénten bedowé cele, dait bébas léman pelanggaran berat.

LUKAS 10:42

padahal saq penting cume sopoq. Mariam sampun piléq saq paling solah, saq ndéq gen tebait léman diriqne.”

LUKAS 11:2

Make Deside Isa bemanik léq ie pade, “Lamun side bedo'e, ucapang maraq niki, ‘Bapa, tesuciang peséngan Deside. Rauhang Kerajaan Deside.

LUKAS 6:12

Léq waktu nike Deside Isa taék ojok sopoq bukit jari bedo'e. Léq derike Ie bedo'e tipaq Allah sekeleman.

LUKAS 7:13

Sewaktu Deside Isa, Junjungan Saq Mulie cingakin bebalu nike, Ie periak léq bebalu nike terus bemanik, “Inaq, ndaq nangis!”

LUKAS 7:19

terus ngutus ie pade lumbar ojok Junjungan Saq Mulie Deside Isa jari metakén, “Napi Pelungguh dengan saq gen rauh menurut janji Allah, atao tiang pade harus ngantih dengan saq lainan?”

LUKAS 9:18

Léq sopoq jelo, sewaktu Deside Isa kenyeke bedo'e mésaq-mésaq, pengiring-pengiring-Ne parek tipaq Ie. Deside Isa beketuan léq ie pade, “Menurut dengan luwéq, sai Tiang niki?”

LUKAS 9:28

Kire-kire baluq jelo sesampun Deside Isa ngajahang hal nike, Ie gadingang Petrus, Yahya dait Yakub taék ojok atas gunung jari bedo'e.

IBRANI 5:7

Sewaktu Almasih idup léq dunie niki, Ie bedo'e dait sanget siq-Ne tunas léq Allah, saq sanggup nyelametang Ie léman ninggal. Dait lantaran kesoléhan-Ne Allah mirengang Ie.

YUDAS 1:20

Laguq side pade, semeton senamian saq tiang kasihin, terus pesolah diriqde léq atas dasar imande saq paling suci. Dait bedo'e siq kuase Roh Allah,