LUKAS 10:34 - KITAB SUCI ZABUR INJIL

³⁴ Ie rapetin dengan nike terus persiq bakat-bakatne siq anggur dait ngowatin kadu minyak, beterus bebetne bakat-bakat nike. Sesampun nike, taékangne dengan nike ojok bagalne mésaq, dait jauqne ojok taoq penginepan dait ngerawat ie.

LUKAS 10:34 ပူးပေါင်းရင်းမြစ်များ

ZABUR 147:3

Ie nyelahang dengan saq polak angen, dait bebet bakat-bakat ie pade.

MARKUS 14:8

Dengan nine niki sampun ngelaksaneang napi saq bau ie laksaneang. Awak Tiang sampun ie minyakin sebagé persiepan jari pemakaman Tiang.

LUKAS 10:33

Laguq sesampun nike sopoq dengan Samaria saq kenyeke bekelampan, liwat éndah léq derike. Sewaktu ie serioq dengan saq terampok nike, ie periak léq dengan nike.

LUKAS 10:35

Léq jemaqne, ie ngebéng due képéng perak tipaq épén penginepan nike dait bebase, ‘Rawat ie, dait lamun araq biaye-biaye lain, gen tiang bayah laun lamun tiang tulak ojok deriki.’ ”

LUKAS 2:7

Ie bijeang sopoq kanak mame, bijene saq sengake. Kanak nike bungkusne kadu kain lampin, terus toloqne léq dalem palung berisi jami; séngaq ie pade ndéq mauq taoq mererepan.

ROMA 12:20

Sebalikne lamun musuh side pade lapah, béng ie ngelor; dait lamun ie bedak béng ie nginem, séngaq siq piaq hal nike side pade miaq ie ilaq.

1 TESALONIKA 5:15

Jagaq adéq ndaq araq saq bales kejahatan siq kejahatan. Tetep berusahe jari laksaneang saq solah, sopoq kance saq lain dait tipaq selapuq dengan.