LUKAS 10:3 - KITAB SUCI ZABUR INJIL

³ Silaq pade lumbar! Tiang ngutus side pade maraq anak dombe ojok tengaq-tengaq serigale.

LUKAS 10:3 ပူးပေါင်းရင်းမြစ်များ

ZABUR 22:21

Luputang nyawen kaji léman kléwang, selametang kaji léman cakrahan acong.

MATIUS 10:16

“Perhatiang niki: Tiang ngutus side pade maraq dombe ojok tengaq-tengaq serigale, keranaq nike side pade harus ceket maraq ulah dait tulus maraq kedit dare.

MATIUS 10:22

Side pade gen temeriq siq selapuq dengan lantaran side pade jari pengiring Tiang. Laguq dengan saq setie jangke penutuqne, gen teselametang.

MATIUS 7:15

“Onyaq-onyaq tipaq nabi-nabi palsu. Ie pade dateng tipaq side pade nyamar maraq dombe, laguq ie pade setetune maraq serigale saq buas.

LUKAS 10:4

Ndaq jauq dompét atao takaq sangu, atao sepatu. Ndaq mentelah jari ngucapang salam tipaq sai juaq léq tengaq kelampande.

YAHYA 10:12

Dengan saq teupaq dait saq ndéq pengarat dait ndéqne éndah épén dowé dombe-dombe nike, gen pelai bilin dombe-dombe lamun ie serioq serigale dateng. Make dombe-dombe nike gen tecakrah dait tepiaq buyar siq serigale nike.

YAHYA 15:20

Pade inget napi saq sampun Tiang sampéang léq side pade, ‘Hambe ndéqne beléqan léman majikanne.’ Lamun ie pade sampun nganiaye Tiang, make ie gen nganiaye side pade. Lamun ie pade turut manik Tiang, make ie pade éndah gen turut basen side pade.

YAHYA 16:2

Side pade gen tesugulang léman balé-balé ibadah. Dait gen dateng waktune bahwe dengan saq nyematéq side pade gen paran diriqne ngabdi léq Allah.

KISAH RASUL-RASUL 20:29

Sesampun tiang bilin, pasti gen dateng serigale-serigale saq galak ojok tengaq-tengaq side pade. Dait dengan-dengan saq side pade jagaq nike gen jari mangse serigale-serigale nike.

KISAH RASUL-RASUL 9:16

Dait Tiang mésaq gen nyatayang léq ie selapuq penderitean saq gen ie terimaq lantaran Tiang.”

KISAH RASUL-RASUL 9:2

dait ie tunas surat kuase jari tejauq ojok balé-balé ibadah dengan Yahudi léq kote Damsyik, adéq lamun léq derike ie ndait dengan-dengan saq turut Langan saq tepetitoqang siq Junjungan Saq Mulie nike, ie bau dait jauq ie pade ojok Yerusalem.